23 Augustus 14:00
Kaapstad Verander Area

Woensdag

14°C / 12°C

Wind 19km/h

Reënval 0mm

Humiditeit 78%

Donderdag

14°C / 12°C

Wind 28km/h

Reënval 3mm

Humiditeit 60%

Vrydag

16°C / 11°C

Wind 26km/h

Reënval 0mm

Humiditeit 63%

Saterdag

16°C / 11°C

Wind 25km/h

Reënval 0

Humiditeit 63%

Sondag

18°C / 12°C

Wind 33km/h

Reënval 0

Humiditeit 54%

Maandag

20°C / 9°C

Wind 14km/h

Reënval 0

Humiditeit 51%

Misdaad
Appèlhof: ‘Porno-saak het nie kans op sukses’

’n Aansoek om verlof tot appèl teen ’n beslissing dat pornografie nié op drie TV-kanale uitgesaai mag word nie, was onsuksesvol.

Die Onafhanklike Kommunikasie-owerheid van Suid-Afrika (Okosa) het in Januarie vanjaar die aansoek by die appèlhof in Bloemfontein ingedien en uitspraak is op 17 Maart gelewer.

Okosa het aanvanklik in 2013 lisensies vir die uitsaai van pornografie aan On Digital Media (ODM) toegestaan.

Die Justice Al­liance of South Africa (Jasa), tesame met Cause for Jus­tice (CFJ) en Doctors for Life, het egter in Augustus 2014 ’n aansoek by die Wes-Kaapse hooggeregshof ingedien om dié besluit tersyde te stel.

Regter Lee Bozalek het hierdie aansoek met koste gehandhaaf.

Okosa het toe ’n aansoek om verlof tot appèl by Bozalek ingedien, maar hy het dit van die hand gewys.

Hierna het Okosa hom sonder sukses tot die appèlhof gewend.

Die appèlhof het Okosa se aansoek met koste van die hand gewys en gesê daar bestaan geen vooruitsig op sukses nie.

Die respondente – Okosa en ODM – kan nou die konstitusionele hof nader vir verlof om te appelleer, of hulle moet Bozalek se uitspraak handhaaf.

Wynand Viljoen, voorsitter van die CFJ, het gesê hulle verwelkom die beslissing van die appèlhof. “Dit beteken dat die uitsaai van pornografie moet stop.”

Indien die konstitusionele hof genader word, sal Bozalek se aanvanklike beslissing opgeskort word, hangende die konstitusionele hof se beslissing.

“Ons glo steeds nie dat dit in die belang van geregtigheid sal wees dat ODM die saak weer op appèl probeer neem nie,” het Viljoen gesê.

“Ons glo dat daar geen vooruitsig op sukses sal wees nie.

“Ons sal steeds enige probeerslag teenstaan.”

NETWERK24 Stemme

Hallo, jy moet ingeteken wees of registreer om artikels te lees.