23 Augustus 14:00
Kaapstad Verander Area

Woensdag

14°C / 12°C

Wind 19km/h

Reënval 0mm

Humiditeit 78%

Donderdag

14°C / 12°C

Wind 28km/h

Reënval 3mm

Humiditeit 60%

Vrydag

16°C / 11°C

Wind 26km/h

Reënval 0mm

Humiditeit 63%

Saterdag

16°C / 11°C

Wind 25km/h

Reënval 0

Humiditeit 63%

Sondag

18°C / 12°C

Wind 33km/h

Reënval 0

Humiditeit 54%

Maandag

20°C / 9°C

Wind 14km/h

Reënval 0

Humiditeit 51%

Misdaad
Hersien besluit oor porno op TV, sê regter
Dit kan ’n saak wees wat ’n keerpunt is . . . die hof het vir die eerste keer opgestaan teen die aanhoudende druk van buite om ’n meer ontspanne benadering oor morele sake te hê.
John Smyth QC, direkteur van Jasa

Die Onafhanklike Kommunikasie-owerheid van Suid-Afrika (Okosa) se besluit om pornografiese materiaal op drie TV-kanale toe te laat moet hersien word, het ’n regter in die Wes-Kaapse hooggeregshof gister bevind.

Regter Lee Bozalek het gister uitspraak gelewer in die saak tussen Okosa en On Digital Media (ODM) – wat as StarSat (voorheen TopTV) bedryf word – en die organisasies Justice Alliance for SA (Jasa), Doctors for Life en Cause for Justice (CFJ).

Hy het bevind dat Okosa se besluit, wat ODM toelaat om pornografie op drie TV-kanale uit te saai, hersien en tersyde gestel moet word.

“Die saak moet ook vir heroorweging na Okosa terugverwys word,” het Bozalek gesê.

Die kommunikasie-owerheid het op 23 April 2013 lisensies aan ODM toegestaan om die drie TV-kanale Playboy TV, Desire TV en Private Spice te kan uitsaai.

Die uitsaaityd sou tussen 20:00 en 05:00 gewees het.

ODM moes ook ’n dubbel-PIN-proses volg en kykers moes afsonderlik op hierdie kanale ingeteken gewees het.

Jasa, CFJ en Doctors for Life het egter daarna ’n aansoek by die hof ingedien waarin gevra is dat dat Okosa se besluit hersien en tersyde gestel moet word.

Bozalek het gister in sy uitspraak gesê Okosa en ODM moet ook die aansoekers se regskoste betaal.

Volgens Wynand Viljoen, voorsitter van CFJ, is hulle in die wolke oor die uitspraak.

“Ons is oorstelp van vreugde. Ons het dae lank aan hierdie saak gewerk en dit voel of ons nou die vrugte van ons harde werk pluk.”

Hy het aangevoer die saak is ’n keerpunt vir Suid-Afrika. “. . . Dit bring ’n nuwe insig en interpretasie van pornografie deur die howe.”

John Smyth QC, direkteur van Jasa, het ná afloop van die uitspraak aan Beeld gesê die uitsending van die kanale moet onmiddellik gestaak word.

“Ons is baie tevrede met die uitslag van die saak.

“Dit kan ’n saak wees wat ’n keerpunt is . . . die hof het vir die eerste keer opgestaan teen die aanhoudende druk van buite om ’n meer ontspanne benadering oor morele sake te hê.”

NETWERK24 Stemme

Hallo, jy moet ingeteken wees of registreer om artikels te lees.