21 Augustus 04:36
Kaapstad Verander Area

Maandag

16°C / 13°C

Wind 28km/h

Reënval 8mm

Humiditeit 79%

Dinsdag

14°C / 12°C

Wind 25km/h

Reënval 7mm

Humiditeit 64%

Woensdag

14°C / 11°C

Wind 24km/h

Reënval 4mm

Humiditeit 75%

Donderdag

14°C / 12°C

Wind 25km/h

Reënval 3mm

Humiditeit 60%

Vrydag

16°C / 12°C

Wind 25km/h

Reënval 0mm

Humiditeit 64%

Saterdag

17°C / 11°C

Wind 26km/h

Reënval 0

Humiditeit 65%

Nuus
Eienaar van gastehuis se keel bykans afgesny
Marie Verwey

Die eienaar van die Villa Merwe-gastehuis in Paradyskloof, Stellenbosch, is glo meer as 22 keer met ’n skerp voorwerp gesteek.

Agt van die steekwonde was naby Marie Verwey (80) se keel wat volgens bronne bykans afgesny was.

Lede van die polisie se forensiese afdeling sowel as speurders verbonde aan die Stellenbosch-polisiekantoor se eenheid vir ernstige geweldsmisdaad het glo eers ná 00:00 Vrydag die deure van die moordhuis agter hulle toegetrek nadat hulle die huis vir leidrade gefynkam het.

Bronne het Vrydag gesê Verwey se lyk is in die sitkamer van die gastehuis wat sy bedryf het, gevind. Sy was in haar gunstelingstoel. Daar was glo geen teken van gedwonge toegang tot die huis nie. Haar noodknoppie was glo nog om haar nek. Dit is nooit gebruik nie.

Die huis was glo ook nie omgekrap nie. Net haar juweliersware is glo gesteel en die kluis is leeggemaak.

Bure van Verwey het Donderdag gesê hulle vermoed die moordenaar of moordenaars is iemand bekend aan Verwey omdat sy glo nie vir ’n onbekende persoon of iemand wat sy nie verwag het, uit haar stoel sou opstaan nie.

Verwey het met ’n loopraam geloop.

Haar huishoudster het Donderdag kort ná 12:30 by die huis aangekom nadat sy winkel toe was. Die voordeur was toegesluit.

Sy het Verwey glo probeer bel, maar het geen antwoord gekry nie. Sy het toe om die huis gestap en gesien die agterdeur en veiligheidshek is oop. Die huishoudster het die buurman gaan roep wat toe op Verwey se lyk afgekom het. Hy het die polisie gebel.

Niemand is nog in hegtenis geneem in verband met die moord nie.

Luidens die inskrywing op die gastehuis se webwerf het Marie en haar man, Stephen, die gastehuis vanaf 1995 bedryf.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

NETWERK24 Stemme

Hallo, jy moet ingeteken wees of registreer om artikels te lees.