Stel ons op die proef, vir nuus wat jy kan vertrou. Registreer vir 30 dae gratis
Eiendomme
Nuwe Kaapstad gaan verrys
’n Voorstelling van die nuwe Zero2One-gebou wat in Adderleystraat gebou gaan word en die hoogste gebou in Kaapstad sal wees – 148 m hoog met 42 verdiepings.

Ontwikkelaars staan tou om die Kaapstadse middestad in hoogte en breedte nuut te bou of te herontwikkel.

Een van die ontwikkelings wat beplan word, is ’n nuwe wolkekrabber van 42 verdiepings wat die hoogste gebou in die Kaapstadse middestad gaan word.

Die beplande gebou, bekend as Zero2One, sal oorkant die Kaapstad-stasie en op die hoek van Adderley- en Strandstraat opgerig word.

Volgens Kaapstad se Sentrale Stadsverbeteringsdistrik (SSVD) sal dié gebou 148 m hoog wees. Dit is ’n projek van FWJK-ontwikkelaars.

Die beoogde Zero2One-gebou is hoofsaaklik gefokus op verblyf, met 624 wooneenhede, 760 parkeerplekke en 6 000 m² handelsruimte ingesluit.

Rob Kane, voorsitter van die SSVD, het gesê een van die opwindendste aspekte van die beoogde ontwikkelings is dat dit oor die hele middestad beplan word – van die nuwe ontwikkelings in Roggebaai, soos die nuwe Netcare Christiaan Barnard-gedenkhospitaal en die herontwikkelings van skole tot museums en staatsgeboue.

Van die ander ontwikkelings sluit in die herontwikkeling van die Kaapstad-stasie ter waarde van sowat R1,1 miljard.

’n Kantoorkompleks in Christiaan Barnardstraat, bekend as Roggebaai-sentrum, word deur Ingenuity beplan.

Nog twee projekte deur FWJK-ontwikkelaars is ’n ontwikkeling in Breestraat langs die Portside-gebou en die Goldies-gebou. Dié gebou sal 36 verdiepings hoog wees en vir wooneenhede en kantoorruimte gebruik word.

Carola Korbitz, woordvoerder van die SSVD, sê die minimum waarde van projekte wat verlede jaar voltooi is, is R987 miljoen en projekte wat nou gebou word se gesamentlike waarde is R4,57 miljard.

Meer oor:  Kaapstad  |  Nuwe
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

NETWERK24 Stemme

Hallo, jy moet ingeteken wees of registreer om artikels te lees.