Kaapstad Verander Area

Vandag


25°C / 16°C

Wind 19km/h


Reënval 0.0mm


Humiditeit 61%

Woensdag


25°C / 16°C

Wind 13km/h


Reënval 0.0mm


Humiditeit 70%

Donderdag


23°C / 15°C

Wind 33km/h


Reënval 0.2mm


Humiditeit 67%

Vrydag


24°C / 15°C

Wind 37km/h


Reënval 0.0mm


Humiditeit 54%

Saterdag


25°C / 14°C

Wind 35km/h


Reënval 0.0mm


Humiditeit 53%

Sondag


27°C / 16°C

Wind 23km/h


Reënval 0.0mm


Humiditeit 47%

Nuus

‘Helde se siel leef voort’

SAR-soldaat ’n voorbeeld genoem

Deur Seugnet Esterhuyse Sondag 07 April 2013 11:42 nm.

Die pers beret en handwapen van sktr. Khomotso Paul Msenga, een van die 13 soldate wat in Sentraal-Afrikaanse Republiek doodgeskiet is, lê op sy kis tydens sy begrafnis die naweek in Mamelodi, in die ooste van Pretoria.Foto: Lisa Hnatowicz

‘Helde gaan nooit dood nie. Hul siel leef in die harte van hul geliefdes voort.”

So het genl.maj. Manfred Mabuza eergister van sktr. Khomotso Paul Msenga, een van die 13 troepe wat in die Sentraal-Afrikaanse Republiek (SAR) dood is, afskeid geneem op sy begrafnis in Mamelodi, Pretoria.

Die Charity and Faith Mission-kerk was stampvol.

Msenga se naaste familie, onder wie sy ma, Helen, pa, Vusi, en vrou, Zanele, was in swart en rooi geklee. Sy driejarige dogtertjie, Kgomotso, het tydens die diens voor haar pa se kis gespeel. Twee groot foto’s van hom het voor in die kerk gehang.

Sy pers beret en handmes het bo-op sy kis gelê.

“Helde moet nooit betreur word nie, maar verheerlik word,” het Mabuza gesê.

Mabuza het Msenga (27) as een van Mamelodi se puikste seuns opgesom.

“Hy (Msenga) het die weermag gedien. Jul verlies is ons verlies,” het Mabuza aan Msenga se familie gesê.

Kol. William Dixon van die infanterieformasie onder wie Msenga in die SAR gedien het, het ook die diens bygewoon.

“Ek sal altyd dankbaar wees vir sy buitengewone voorbeeld van ’n held.

“Hy het soos ’n ware held baklei. Hy het gesterf terwyl hy ons verbintenis tot vrede en standvastigheid verdedig het.

“Dit is ’n eer om hom as een van ons te kon hê,” het Dixon gesê.

Dertien valskermsoldate het op 23 Maart met hul lewe in die Slag van Bangui geboet. Nagenoeg 46 is beseer, waarvan 27 ernstig. Kpl. Ntebaleng Andrew Mogorosi (40), sktr. Zamani Jim Mxhosana (27) en sktr. Maleisane Samuel Thulo (27) is in ’n gesamentlike diens in Bloemfontein te ruste gelê.

Die ander soldate, onder wie kpl. Mokgadi Darius Seakamela (41) is in Polokwane, sktr. Motsamai William Bojane (26) in Theunissen, sktr. Xolani Dlamini (26) in Diepkloof, o.kpl. Daniel Sello Molara (43) in Botshabelo, o.kpl. Lukas Mohapi Tsheke (44) in Viljoenskroon, sktr. Lesego Maxwell Hertzog Lebatlang (31) in Kuruman, sktr. Karabo Edwin Matsheka (28) in Mahikeng, sktr. Vusumzi Joseph Ngaleka (27) in Khayelitsha en sktr. Thabiso Anthon Phirimana (27) in Matatiele begrawe.