29 Augustus 20:55
13°C / 16°C

Kaapstad Verander Area

Vandag


16°C / 13°C

Wind 34km/h


Reënval 0mm


Humiditeit 75%

Sondag


17°C / 14°C

Wind 23km/h


Reënval 0mm


Humiditeit 81%

Maandag


17°C / 14°C

Wind 37km/h


Reënval 0mm


Humiditeit 78%

Dinsdag


18°C / 14°C

Wind 34km/h


Reënval 0mm


Humiditeit 70%

Woensdag


18°C / 12°C

Wind 11km/h


Reënval 0mm


Humiditeit 64%

Donderdag


19°C / 13°C

Wind 31km/h


Reënval 0mm


Humiditeit 58%

Nuus

Oscar: Lede in sop oor foto’s

Neem hom in polisieselle af

Deur Philda Essop Woensdag 17 April 2013 01:38

Kaapstad. – Tugstappe is moontlik die voorland van polisiebeamptes van die Boschkop-polisiekantoor wat foto’s van Oscar Pistorius in aanhouding geneem het.

Dié Olimpiese en Paralimpiese atleet is in die aanhouding-selle van dié polisiekantoor in die ooste van Pretoria toegesluit ná die Valentynsdag-skietery waarin sy vriendin, Reeva Steenkamp, dood is.

Nathi Mthethwa, minister van polisie, het in antwoord op ’n parlementêre vraag gesê 45 private en vier amptelike selfone is van polisiebeamptes by dié polisiekantoor gekonfiskeer.

Dirk Stubbe, DA-LP, wou by Mthethwa weet op grond waarvan die selfone gekonfiskeer is.

Mthethwa het geantwoord daar is op 21 Februarie op die fone beslag gelê. Dit sal gebruik word as “moontlike getuienis in moontlike tugstappe” teen die lede.

“Die optrede was noodsaaklik nadat dit aan die lig gekom het dat foto’s geneem is van ’n hoëprofiel-individu wat in hegtenis geneem is terwyl hy tussen die hof en die polisiekantoor vervoer is,” lui Mthethwa se antwoord.

Dianne Kohler Barnard, DA-LP, het die optrede gister as “uiters beledigend” bestempel.

Volgens haar is die polisiebeamptes deur dié optrede “verneder”. “Dit beteken die stasiekommissaris het aangeneem dat elke lid in die Boschkop-polisiekantoor ’n misdadiger is.”

Annelizé van Wyk, ANC-LP en waarnemende voorsitter van die parlementêre portefeuljekomitee oor polisie, het gister gesê dit is uiters kommerwekkend dat die beamptes glo ’n vermeende misdadiger afgeneem het.

“Tugoptrede moet beslis plaasvind. Ons sal as komitee ons oog op die kwessie hou om te sien wat die uitkoms daarvan is,” het sy gesê.

Borgtog van R1 miljoen is op 22 Februarie aan Pistorius toegestaan.