30 Augustus 19:59
14°C / 16°C

Kaapstad Verander Area

Vandag


16°C / 14°C

Wind 48km/h


Reënval 14mm


Humiditeit 85%

Dinsdag


17°C / 14°C

Wind 37km/h


Reënval 0mm


Humiditeit 70%

Woensdag


18°C / 12°C

Wind 28km/h


Reënval 0mm


Humiditeit 65%

Donderdag


19°C / 12°C

Wind 10km/h


Reënval 0mm


Humiditeit 65%

Vrydag


20°C / 14°C

Wind 13km/h


Reënval 0mm


Humiditeit 58%

Saterdag


22°C / 15°C

Wind 10km/h


Reënval 0mm


Humiditeit 54%

Nuus

Pta se mense vaar uit oor myn

Firma sê hy soek nog net minerale

Deur Fanie van Rooyen Vrydag 10 Mei 2013 01:31

Die inwoners van Doornpoort in die noorde van Pretoria wil nie ’n myn op hul voorstoep hê nie en klaar.

Dié boodskap het eergisteraand op ’n vergadering tussen sowat 200 inwoners van Doornpoort en die bestuur van die maatskappy Sable Platinum hard en duidelik oorgekom.

Sable Platinum is tans besig om onder die filiaal Gemsbok Platinum op die plaas Doornpoort 295JR, wat slegs deur die N4 Bakwena-hoofweg van dié buurt geskei word, na platinum te prospekteer en het by die departement van minerale bronne aansoek gedoen om prospekteerregte na vanadium, ystererts en titaan.

Martin Barnard, voorsitter van die Doornpoort-inwonersvereniging, het ’n brief voorgelees wat aan die departement voorgelê is.

Daarin word gesê dié gemeenskap is “tot die sterkste moontlike graad” teen die prospektering gekant omdat gevolglike mynbedrywighede “noodgedwonge sal lei tot die besmetting van die grondwatertafel, ’n negatiewe impak op die omgewing, ’n daling in eiendomswaardes, sosiale agteruitgang weens die skielike intrek van duisende mynwerkers tot die gebied, ’n styging in misdaad en ’n styging in klank- en lugbesoedeling wat inwoners se gesondheid sal skaad”.

James Allan, uitvoerende hoof van Sable Platinum, het gesê daar is baie wanindrukke oor die prospekteringsproses.

“Die departement het slegs prospekteerregte aan ons toegestaan en daar is nog geen sprake van mynregte nie. Of ons wel daarvoor sal aansoek doen, sal afhang van die uitslae van prospektering.”

Hy het bygevoeg dat al sou daar gemyn word, sal inwoners waarskynlik byna niks van die bedrywighede sien of hoor nie.

“Daar sal aan die noordekant van die plaas gemyn word, wat 3 km van Doornpoort af is en moderne myntegnieke laat baie sagte en grootliks stofvrye ontploffings toe.”

Dít het inwoners nie gerusgestel nie. Alberto Nagel het die bestuur van Sable Platinum “blêrrie arrogant” genoem.

“Dink julle ons is simpel om te glo dat as julle prospekteer dat julle nie ook gaan myn nie?” wou hy weet.

Al die aangetekende besware sal nou deur onafhanklike konsultante van Batho Earth, wat notules geneem het, vir oorweging aan die departement voorgelê word.