Kaapstad Verander Area

Vandag


24°C / 16°C

Wind 35km/h


Reënval 0.0mm


Humiditeit 53%

Saterdag


27°C / 16°C

Wind 28km/h


Reënval 0.0mm


Humiditeit 50%

Sondag


24°C / 16°C

Wind 28km/h


Reënval 0.0mm


Humiditeit 65%

Maandag


26°C / 17°C

Wind 24km/h


Reënval 0.0mm


Humiditeit 56%

Dinsdag


27°C / 17°C

Wind 15km/h


Reënval 0.0mm


Humiditeit 60%

Woensdag


20°C / 16°C

Wind 24km/h


Reënval 4.1mm


Humiditeit 84%

Nuus

3 toergidse gepos oor ollie-video

Een bestorm bul by Singita

Deur Elise Tempelhoff, Buks Viljoen Woensdag 15 Mei 2013 12:00 vm.

Drie toergidse van Singita, een van Afrika se bekendste lodges, is afgedank nadat ’n video op YouTube gelaai is wat wys hoe een van hulle ’n olifantbul in ’n natuurreservaat langs die Krugerwildtuin bestorm.

Die video, met die titel “Tourist Charges Elephant: Allegedly Drunk Man Confronts Wild Elephant at Kruger National Park”, het wêreldwyd opslae gemaak.

Singita het in ’n verklaring gesê nadat hulle van die video bewus geword het, het hulle dié “onaanvaarbare gedrag” onmiddellik ondersoek en drie mense is afgedank wat by die voorval betrokke was.

Brian Thomas Masters, wat tot onlangs nog by Singita as toergids gewerk het, het gister gesê hy is jammer oor sy onverantwoordelike en onetiese optrede. Hy is nou sy werk kwyt.

In die video spring Masters van ’n oop viertrekvoertuig af en storm op ’n olifantbul af wat in die veld staan. Sy vriende moedig hom aan om nader aan die olifantbul te hardloop.

Dit lyk asof die olifant geskok is deur dié gedrag. Hy skop stof op en swaai sy kop en ore heen en weer. Masters val, maar staan vinnig op en storm weer op die olifant af. Dié keer swaai hy sy arms in die lug, terwyl sy vriende lag en hande klap. Die olifant loop stadig agteruit, draai om en stap weg.

Teen gistermiddag het meer as 1 700 mense al op die video gereageer. Sommige het hul skok en afgryse te kenne gegee.

Masters het gesê hy was nie dronk toe hy dié “onbesonne daad” aangevang het nie. Volgens hom het hy gesien hoe kwaai mense sedert die naweek op die video reageer en besluit om sy identiteit bekend te maak.

“Ek is diep spyt oor my onprofessionele en onetiese gedrag. Ek wens ek kon dit ongedaan maak.”

Hy is veral jammer dat hy die naam van die maatskappy waarvoor hy gewerk het deur die modder gesleep het. Die maatskappy bewaar meer as ’n halfmiljoen hektaar grond in Afrika en kan nie verantwoordelik gehou word vir een mens se swak gedrag nie.

“Hierdie onsinnige daad het my reputasie geskaad en al die werk wat ek in 13 jaar met die navorsing oor neushoringvoëls en olifante gedoen het, ongedaan gemaak.”

Hy het mense gevra om hom te vergewe en sy goeie werk te onthou, soos die nagte wat hy by die reservaat renosters teen stropers beskerm het. Masters het gesê hy het nie geweet iemand het ’n video van die voorval gemaak of dit op YouTube gelaai nie.

Klik hier om die video te kyk.