Kaapstad Verander Area

Vandag


24°C / 12°C

Wind 22km/h


Reënval 0.1mm


Humiditeit 59%

Maandag


26°C / 12°C

Wind 21km/h


Reënval 0.0mm


Humiditeit 43%

Dinsdag


25°C / 13°C

Wind 15km/h


Reënval 0.0mm


Humiditeit 44%

Woensdag


20°C / 12°C

Wind 19km/h


Reënval 1.2mm


Humiditeit 65%

Donderdag


21°C / 10°C

Wind 23km/h


Reënval 0.0mm


Humiditeit 53%

Vrydag


24°C / 9°C

Wind 13km/h


Reënval 0.0mm


Humiditeit 42%

Nuus

Hilton Botha sal nog help in moordsaak

Deur Hilda Fourie Vrydag 24 Mei 2013 22:57

Denise Stratford

Al het hy uit die polisie bedank, sal Hilton Botha steeds help met die ondersoek van Denise Stratford se moordsaak totdat dit afgehandel is.

Lt.kol. Katlego Mogale, Gautengse polisiewoordvoerder, het gister gesê ene konst. Chauke, die huidige ondersoekbeampte, en Botha werk nou saam.

Die polisie het ná bykans drie weke op navrae gereageer nadat Chauke aan Stratford se seuns, Brandon (29) en Duane (32), gesê het hy is te besig en word te min betaal om hul ma se moordenaar te soek en te arresteer.

Botha het die inligting gekry oor waar die tweede verdagte hom bevind toe hy nog die ondersoekbeampte was van Stratford (55) se saak wat in November 2011 in ’n rioolpyp langs ’n kantoorblok in die Mooikloof-kantoorpark, in die ooste van Pretoria, gegooi is.

Hy het dit aan Chauke oorgedra net voordat hy in Maart vanjaar bedank het.

Botha het bedank nadat hy in die spervuur was oor die Oscar Pistorius-moordondersoek en dit aan die lig gekom het dat hy en nog twee voormalige polisielede in die landdroshof in Kwa-Mhlanga moet verskyn op sewe aanklagte van poging tot moord.

Botha het gister in die hof verskyn.

Die saak is tot Augustus uitgestel.

“Ons is daartoe toegewyd om die tweede verdagte in hegtenis te neem,” het Mogale gesê.

“Uitmuntende werk is tot dusver gedoen met die ondersoek van dié saak. Dié werk sal nie ongedaan gelaat word omdat daar ’n verandering in ondersoekbeamptes was nie.

“Die ondersoek word deur ’n span gedoen. Hulle gaan hul bes doen om die tweede verdagte vas te trek.”

Jimmy Mahlaba (24) word tans in die hooggeregshof in Pretoria verhoor weens Stratford se moord. Die verrigtinge gaan volgende maand voort.