Kaapstad Verander Area

Vandag


25°C / 13°C

Wind 14km/h


Reënval 0.0mm


Humiditeit 33%

Maandag


22°C / 12°C

Wind 26km/h


Reënval 0.0mm


Humiditeit 51%

Dinsdag


26°C / 13°C

Wind 19km/h


Reënval 0.0mm


Humiditeit 40%

Woensdag


22°C / 12°C

Wind 31km/h


Reënval 0.0mm


Humiditeit 62%

Donderdag


27°C / 14°C

Wind 20km/h


Reënval 0.0mm


Humiditeit 38%

Vrydag


30°C / 15°C

Wind 13km/h


Reënval 0.0mm


Humiditeit 26%

Nuus

2 skeure aan seuntjie se kop

Ouers in hof oor kind se ou beserings

Deur Elise Tempelhoff Vrydag 31 Mei 2013 03:02

’nJong man en sy vriendin het gister in die Vanderbijlpark-streekhof verskyn op aanklag van kindermishandeling ná die dood van hul seuntjie van tien maande in Augustus verlede jaar.

Ashley Anne Jordaan (20) en Trevor Viljoen (20) is nie gevra om te pleit nie.

Ethan Piet Viljoen is op 2 Augustus verlede jaar in sy ouerhuis in Palmhof in die dorp dood.

Tydens ’n lykskouing is bevind Ethan het ernstige beserings gehad wat daarop gedui het hy is vermoedelik voor sy dood gewelddadig aangerand.

Volgens ao. Kinnie Steyn, polisiewoordvoerder, het Ethan twee skeure aan sy kop gehad waarvan albei sowat 60 mm lank was. Hy het ook ou beserings aan sy regterarm gehad.

Ná ’n omvattende ondersoek na die baba se dood het die nasionale vervolgingsgesag besluit Viljoen en Jordaan moet van kindermishandeling aangekla word.

Na dié beslissing is sy ouers verlede week in hegtenis geneem. Hulle het kort daarna in die landdroshof in die dorp verskyn. Die saak is toe na die streekhof oorgeplaas.

Borgtog van R3 000 is aan albei toegestaan, maar net Viljoen kon dit glo bekostig.

Jordaan word sedertdien aangehou.

Viljoen se ouers en ander familie het hom gister huilend by die hof bygestaan.

Beeld verneem Viljoen en Jordaan se eerste baba, ook ’n seuntjie, was net ’n week oud toe hy ook dood is.

Sy dood is glo destyds beskryf as ’n wiegiedood.

Die twee beskuldigdes sal weer op 6 Junie in die streekhof in Vanderbijlpark verskyn.

Steyn het gesê die lykskouing het aangedui Ethan se dood was te wyte aan ’n aangebore hartdefek.

“Die paartjie word egter van kindermishandeling aangekla van die geboorte van die baba tot en met die dag van sy dood weens beserings wat hy in dié tyd opgedoen het.”