05 Mei 20:19
12°C / 19°C

Kaapstad Verander Area

Vandag


19°C / 12°C

Wind 23km/h


Reënval 1.3mm


Humiditeit 83%

Woensdag


21°C / 10°C

Wind 30km/h


Reënval 0.0mm


Humiditeit 51%

Donderdag


27°C / 14°C

Wind 15km/h


Reënval 0.0mm


Humiditeit 35%

Vrydag


27°C / 12°C

Wind 14km/h


Reënval 0.0mm


Humiditeit 29%

Saterdag


25°C / 14°C

Wind 18km/h


Reënval 0.0mm


Humiditeit 46%

Sondag


24°C / 13°C

Wind 16km/h


Reënval 0.0mm


Humiditeit 52%

Nuus

‘Slange is nie boos’

Kom hou hulle vas, nooi sy mense

Deur Lourensa Eckard Vrydag 31 Mei 2013 01:51

In Lindiwe Mngomezulu se huis in Vilakazistraat, Soweto, is ses glaskaste, elk met ’n lig, ’n kombers en ’n bak water.

In sommige van die kaste lê Birmaanse luislange, koringslange en ’n baba-anakonda.

Daar is Simba, ’n Birmaanse luislang, Landiwe, ’n gewone luislang, Chocki, ’n baba Birmaanse luislang, Tiki, ’n likkewaan, Pikinini, ’n koringslang, Cola, ’n albino-luislang en Dion, ’n baba-anakonda.

“Ek was nog nooit bang vir slange nie,” sê Mngomezulu met Cola, haar albino-luislang, om die nek.

Sedert Mngomezulu haar dogter Lwandile (19) vyf jaar gelede sirkus toe geneem het, is ma en dogter dol oor slange. “Lwandile het ’n vrou met slange gesien en dadelik op haar afgestorm en gevra of sy die slange kan vashou.”

Die slange seil vrylik in haar huis rond en sy laat hulle ook haar motor se agtersitplek lê wanneer sy gaan inkopies doen. “Niemand het al my motor probeer steel nie.”

Mngomezulu wil graag nog slange koop, maar moet eers daarvoor spaar, het sy gesê.

“Al my spaargeld word gebruik vir die slange se kos.”

Die R10 wat sy vir toeriste en lede van die gemeenskap vra vir ’n toer en ’n kans om die slange vas te hou, is haar enigste inkomste.

Sommige mense in die gemeenskap is egter te bang om selfs verby haar huis te loop.

“Mense het aanvanklik gedink ek is ’n heks. Swart mense het baie bygelowe oor slange,” het Mngomezulu gesê.

Sy hoop om die gemeenskap te leer dat slange nie boos is nie, het sy gesê.

“As jong kinders by my kom en my ’n heks noem, nooi ek hulle in om na die slange te kom kyk en hulle vas te hou. Dan sien hulle hoe mooi die slange is.”

Mense in die straat het begin skree en weggehardloop toe sy tydens Beeld se besoek met Cola uit die huis gestap het.

Eunice Sibeko, ’n inwoner van Vilakazistraat, het gesê: “Ek is bang vir slange. Ek kan soms nie snags slaap as ek verby haar huis is nie.”