Kaapstad Verander Area

Vandag


19°C / 13°C

Wind 27km/h


Reënval 2.9mm


Humiditeit 58%

Vrydag


23°C / 13°C

Wind 36km/h


Reënval 0.0mm


Humiditeit 46%

Saterdag


26°C / 16°C

Wind 34km/h


Reënval 0.0mm


Humiditeit 51%

Sondag


27°C / 17°C

Wind 28km/h


Reënval 0.1mm


Humiditeit 53%

Maandag


19°C / 14°C

Wind 26km/h


Reënval 33.9mm


Humiditeit 90%

Dinsdag


22°C / 15°C

Wind 19km/h


Reënval 0.7mm


Humiditeit 78%

Nuusflitse
Klimmer sterf op Nepal-berg Eerste renoster in Etosha gestroop Taxi-eienaar doodgeskiet in Jhb-middestad Werkloosheid hier om te bly Twee mans aangekeer ná skietvoorval Toeristemoord: Mianmar-verdagtes gaan weer getoets word Duitse toeris dood in Australiese park gekry Vodacom: Klante se besonderhede glo bekendgemaak Ebola: Verpleegster in VSA weier kwarantyn Vermeende ontvoerder van meisie (13) vandag in hof Nóg bewyse dat Ellen Tshabalala jok oor graad Gesteelde skape in vrou se slaapkamer gevind Fransman sterf ná 56 sopies 14 dood, 300 vermis ná grondstorting in Sri Lanka ​Kommer oor TB en diabetes-epidemie Kiwi's gaan stem oor nuwe vlag ​Rusland bied hulp aan na vuurpyl-ontploffing ​VN aanvaar resolusie oor Kuba Hoogswanger Thandi Bocibo by hospitaal weggewys Vermiste Casandra Lottering (13) is gevind Die Leeu, die Jakkals en die Perske maak musiek Wilde sampioene maak gesin siek Ebola: Switsers sê ja vir eksperimentele entstof Sanger Bobby beroof Kroonprinses Masako hou eerste banket in 11 jaar Kambodja: Broers sterf in handgranaatontploffing Tienerseun vas wat kleuter glo verkrag, vermoor Chinese toeriste in Durban-ongeluk beseer Oscar Pistorius: 4 gronde vir appèl Wes-Kaap: Alan Winde wil grondhervorming aanpak Senzo Meyiwa: Gemeenskap moet die polisie help Seepunt: Telkom Direct is beroof Tweede tienermeisie sterf ná skietvoorval by skool 'Hiernamaals is te voorskriftelik' Regter maak prostituut stil in Dewani-saak Thailand gooi seksofferhande weg Senzo Meyiwa se moordenaars steeds op vrye voet Marcia Strassman sterf aan borskanker Demetri Catrakilis deel sy wenresep Noordwes: Boere skiet plaasaanvallers dood
Nuus

Tieners en seks: ‘Wet het nie sin’

‘Verbied iets wat algemeen is’

Deur Pauli van Wyk Vrydag 31 Mei 2013 2:04 vm.

Móét kinders tussen 12 en 16 wat instemmende seks het, strafregtelik vervolg word, of is daar minder beperkende metodes, het hoofregter Mogoeng Mogoeng gister daarop aangedring om te weet.

Adv. Vincent Maleka SC vir die minister van justisie en die nasionale direkteur van openbare vervolging het klei getrap, maar ná vele vrae van die nege regters van die konstitusionele hof gesê: “Die wet leer kinders en ouers dat die besluit oor seksuele dade uitgestel moet word tot wanneer die kind reg is daarvoor.”

Dié kwelpunt is gister in diepte bespreek nadat die Teddy Bear-kliniek vir mishandelde kinders en Rapcan gevra het dat die uitspraak van die hooggeregshof in Pretoria, wat die definisie van “seksuele penetrasie” en dele van die Wet op Seksuele Oortredings ongrondwetlik verklaar het, bekragtig moet word.

Maleka het dit teengestaan en aangevoer die wet is nie ongrondwetlik nie, maar regter Sisi Khampepe het gesê sy verstaan nie hoe dit behoorlik kan wees om die natuurlike ontwikkeling en eksperimentering van tieners te kriminaliseer nie.

Adv. Steven Budlender vir die Teddy Bear-kliniek en Rapcan het gesê Maleka sukkel om te antwoord omdat daar geen bewyse is nie.

“Die enigste bewyse voor die hof is dat die wet nie net gesonde seksuele gedrag onder tieners verbied nie, maar ook riskante seksuele gedrag onder tieners vererger.”

Dit omdat tieners getraumatiseer is deur die regsproses, omdat hul normale seksuele ontwikkeling as misdadig afgemaak is en omdat hulle nie hul ouers of beraders kan nader om hulp nie uit vrees dat dié hulle verkla.

Die wet het van enigiemand wat kennis dra van so ’n “misdaad” vereis om dit aan te meld of die risiko te loop om tot vyf jaar tronkstraf gevonnis te word. Dit het ook beteken dat tieners toegang het tot kondome en voorbehoedmiddels, asook die reg het om ’n aborsie te kry, maar nie mag seks hê nie.

Regter Thembile Skweyiya het gesê ’n wet het geen sin as dit iets verbied wat in die werklikheid algemeen is nie.

“Dit wil my ook lyk dit is ’n saak wat in die konteks van ’n gesin en ’n gemeenskap gelaat moet word; dis dalk ’n kwessie van opvoeding.”

Uitspraak word voorbehou.

Dít is steeds oortredings

• Nie-instemmende seks en seksuele dade met kinders onder 12 bly ’n ernstige en strafbare oortreding;

• Die ouderdom van 16 waarop ’n tiener regtens kan instem tot seks, sal nie verander nie; en

• Enigiemand bo 18 is skuldig aan statutêre verkragting as hy/sy seks het met ’n tiener van 12 tot 16 en sal vervolg word.

Wat regter moet besluit:

• Twee tieners tussen 12 en 16 kan albei van statutêre verkragting aangekla word wanneer hulle instemmende seks het. Die deel is onderhewig aan die regters se besluit.

• Applikante vra ook dat ’n verdediging in die wet gebou word dat ’n tiener tussen 16 en 18 met ’n kind tussen 12 en 16 instemmende seks kan hê as die ouderdomsverskil nie meer as twee jaar is nie.