22 Mei 22:38
15°C / 28°C

Kaapstad Verander Area

Vandag


28°C / 15°C

Wind 11km/h


Reënval 0.0mm


Humiditeit 28%

Saterdag


20°C / 13°C

Wind 17km/h


Reënval 0.1mm


Humiditeit 75%

Sondag


21°C / 12°C

Wind 15km/h


Reënval 0.2mm


Humiditeit 74%

Maandag


19°C / 14°C

Wind 20km/h


Reënval 0.1mm


Humiditeit 62%

Dinsdag


18°C / 12°C

Wind 18km/h


Reënval 0.8mm


Humiditeit 77%

Woensdag


21°C / 12°C

Wind 16km/h


Reënval 0.0mm


Humiditeit 65%

Nuus

Vrou wat seuntjie doodry gebroke

‘Sy moes beter gekyk het’

Deur Susan Cilliers Vrydag 31 Mei 2013 02:20

Barend Porter (4), wat eergister by sy skool in Koster doodgery is, word Maandag saam met sy oumagrootjie in dié Noordwes-dorp begrawe.

Marie Klopper (81) is vroeër vandeesweek aan natuurlike oorsake dood, het Katryn Porter, Barend se ma, gister vertel.

Blanche Terblanche van Koster, wat Barend en sy sussie, Angelique (7), met haar bakkie omgery het, verskyn Maandag in die plaaslike landdroshof op ’n klag van strafbare manslag.

Haar dogter, Celeste, het gister vertel haar ma is so erg gebroke omdat sy Barend en sy sussie per ongeluk raak gery het dat sy omtrent nie kan staan nie.

Angelique is lig beseer, maar haar boetie het op die toneel aan kopbeserings beswyk.

Terblanche het haar kleinkind eergister by die Koster Gekombineerde Skool gaan haal toe sy volgens die polisie ’n U-draai gemaak het waar die Porter-kinders op hul ma op die skoolterrein gewag en gespeel het. Sy het die kinders nie gesien nie, het kapt. Aafje Botma, polisiewoordvoerder, gesê.

Chris Scholtz, die kinders se oom, het gesê hy ken Terblanche so goed dat hy haar “moeder” noem. “Ek was die middag van die ongeluk by haar en het haar ’n drukkie gegee. Sy het aanmekaar gehuil en oor en oor gesê sy is jammer.”

’n Emosionele Katryn Porter het gister gesê die gesin voel Terblanche moes beter gekyk het waar sy ry. Die Porter-kinders het glo altyd op hul ma gewag op die plek waar hulle raak gery is. Angelique het volgens ooggetuies onder die bakkie deur na haar boetie gekruip om hom te probeer help nadat hulle albei getref is. “Sy is orraait, maar sy praat nie eintlik nie.”

Die ongeluk het net voor 14:00 gebeur. Die kleiner kinders, onder wie Barend en Angelique, kom al 13:00 uit die skool, terwyl die groter kinders 14:00 uitkom, het ’n ouer vertel.

Volgens haar was die skoolverkeer nog nie so druk toe Barend en Angelique raak gery is nie. Verskeie ouers het by Beeld gekla dat daar nie behoorlik beheer by die skool is oor kinders en die beweeg van voertuie wanneer die skool uitkom nie. Dawie Naudé, skoolhoof, het dit ontken en gesê ouers moet die saak met hom opneem.

• Barend en sy oumagrootjie word uit die Hervormde kerk begrawe. ’n Roudiens word 08:00 vir Barend by die skool gehou.