Kaapstad Verander Area

Vandag


24°C / 16°C

Wind 34km/h


Reënval 0.0mm


Humiditeit 54%

Saterdag


27°C / 16°C

Wind 27km/h


Reënval 0.0mm


Humiditeit 51%

Sondag


23°C / 16°C

Wind 27km/h


Reënval 0.1mm


Humiditeit 73%

Maandag


25°C / 16°C

Wind 32km/h


Reënval 0.0mm


Humiditeit 56%

Dinsdag


28°C / 18°C

Wind 26km/h


Reënval 0.0mm


Humiditeit 49%

Woensdag


24°C / 17°C

Wind 28km/h


Reënval 0.0mm


Humiditeit 56%

Nuus

Cheetahs-minagting soos rooi doek voor Bulle

Deur Marco Botha Saterdag 01 Junie 2013 12:19 vm.

Die Cheetahs moet liefs gesien en nie gehoor word nie.

Want wat hulle vandeesweek als gesê het, sal vandag soos ’n rooi doek voor die Bulle wapper.

Dié spanne pak mekaar vanaand in die Vrystaat-stadion. Albei wil natuurlik wen, maar hul plan daarvoor verskil hemelsbreed.

Toe Frans Ludeke, Bul-breier, vandeesweek oor die wedstryd gepols is, het hy gesê die Bulle moet hul teenstander “altyd respekteer en 100% fokus op wat dit verg om juis teen hom te seëvier”.

Want, het Ludeke bygevoeg, “ons almal weet hierdie is nie dieselfde Cheetahs-span as in vorige jare nie”.

Hierdie benadering verskil geweldig van dié van sy ampsgenoot, Naka Drotské. Die Cheetahs-afrigter het vandeesweek gesê sy spelers gaan aan die Bulle geen agting betoon nie.

En hy gaan die besoekers sommer op hul sterkpunt aanvat – die beste lynstaan in Superrugby. Drotské het ook daarop gewys dat hul uitstekende 2013-seisoen ook “ ’n jaar van eerstes” is. En die grootste veer in daardie hoed sal wees as hulle die Bulle vandag vir die eerste keer nóg in Superrugby kan klop.

Dit is heel moontlik, selfs al het die Ligbloues die Cheetahs vanjaar al twee keer gewen – een keer in die voorseisoen in Polokwane en toe op Loftus.

Dit ly steeds min twyfel dat die Cheetahs vanjaar bra baie bek én binnegoed het. Maar dit is geweldig riskant om “lynstane”, ’n “jaar van eerstes” en ’n “gebrek aan agting” te wapper voor ’n rugbyspan wat al drie Superrugby-titels gewen het.

Die Haaie het verlede week in die media presies dieselfde gedoen toe hulle die Bul-wedstryd geteiken het as die een waarmee hulle hul sukkelseisoen sou omdraai. Selfs al het hulle die Ligbloues vroeg-vroeg met ’n knyptang op ’n aardige plek beet gehad, het die Bulle teruggeslaan en met 18-16 gewen.

Na verneem word, het daardie grootmond-opmars van die Haaie na die wedstryd die Bulle liederlik omgekrap.

Agting wen wedstryde. Minagting is ’n rooi doek.