Kaapstad Verander Area

Vandag


25°C / 16°C

Wind 31km/h


Reënval 0.0mm


Humiditeit 50%

Sondag


26°C / 16°C

Wind 29km/h


Reënval 0.1mm


Humiditeit 53%

Maandag


20°C / 16°C

Wind 27km/h


Reënval 25.8mm


Humiditeit 88%

Dinsdag


22°C / 15°C

Wind 17km/h


Reënval 2.7mm


Humiditeit 74%

Woensdag


23°C / 15°C

Wind 30km/h


Reënval 0.0mm


Humiditeit 60%

Donderdag


30°C / 18°C

Wind 22km/h


Reënval 0.0mm


Humiditeit 46%

Nuusflitse
4 werkers sterf toe brug ineenstort Man val laerskoolkinders met mes aan 4 mense dood en 14 beseer in ongelukke op Van Reenenspas Sataniste soek swart katte in Hongarye Man dood in Tafelberg-tragedie Zambiër vas oor hy in lug skiet ná president se dood ‘Hongarye sit internetbelasting eers op ys’ Miley Cyrus se rok skok Man ontnugter met droomvrou, wurg haar Rowers grawe tonnel om bank te beroof Vermeende verkragter gesoek MH370: Seuns dagvaar oor pa se “dood” Beroemde bokskryt glo gesteel Thuli Madonsela: Jy's nie bo die reg, JZ 13-jarige ontvoer: 'Toestande in ouerhuis nie noodwendig sleg' Steve Hofmeyr ken nie apartheid - Virginia Keppler Klimmer sterf op Nepal-berg Eerste renoster in Etosha gestroop Taxi-eienaar doodgeskiet in Jhb-middestad Werkloosheid hier om te bly Twee mans aangekeer ná skietvoorval Toeristemoord: Mianmar-verdagtes gaan weer getoets word Duitse toeris dood in Australiese park gekry Vodacom: Klante se besonderhede glo bekendgemaak Ebola: Verpleegster in VSA weier kwarantyn Vermeende ontvoerder van meisie (13) vandag in hof Nóg bewyse dat Ellen Tshabalala jok oor graad Gesteelde skape in vrou se slaapkamer gevind Fransman sterf ná 56 sopies 14 dood, 300 vermis ná grondstorting in Sri Lanka ​Kommer oor TB en diabetes-epidemie Kiwi's gaan stem oor nuwe vlag ​Rusland bied hulp aan na vuurpyl-ontploffing ​VN aanvaar resolusie oor Kuba Hoogswanger Thandi Bocibo by hospitaal weggewys Vermiste Casandra Lottering (13) is gevind Die Leeu, die Jakkals en die Perske maak musiek Wilde sampioene maak gesin siek Ebola: Switsers sê ja vir eksperimentele entstof Sanger Bobby beroof Kroonprinses Masako hou eerste banket in 11 jaar Kambodja: Broers sterf in handgranaatontploffing Tienerseun vas wat kleuter glo verkrag, vermoor Chinese toeriste in Durban-ongeluk beseer Oscar Pistorius: 4 gronde vir appèl Wes-Kaap: Alan Winde wil grondhervorming aanpak Senzo Meyiwa: Gemeenskap moet die polisie help
Nuus

Grond: Fokus skuif

Staat wil swart boere nou eerder só help

Deur Jan-Jan Joubert Saterdag 01 Junie 2013 1:12 vm.

Kaapstad. – Die staat se fokus met grondhervorming het verskuif van die najaag van die teiken om 30% van grond in swart besit te hê na ’n doelwit om plase met nuwe swart boere te laat werk.

Gugile Nkwinti, minister van landelike ontwikkeling en grondhervorming, het gister in die parlementêre debat oor sy begrotingspos gesê die teiken van herverdeling van 30% van bewerkbare grond het sy departement se doelwitte die laaste paar jaar verkeerdelik oorheers.

“Ons het te veel geld uitgegee op die aankoop van grond en nie genoeg geld aan die opleiding en ondersteuning van swart boere besteenie.

“Met die uitvaardiging van die Wet op Naturellegrond in 1913 is die klein maar groeiende en suksesvolle swart kommersiële boerderyklas willens en wetens vernietig,” het hy gesê.

“Daardie vaardighede moet nou opnuut aangeleer word. Die regering het dus besluit om die klem daarna te verplaas om die plase waarvan eienaarskap reeds verwissel het te maak werk.

“Die regering wil voorts nie hê vanjaar se 100-jarige herdenking van daardie wet moet in ’n bakleiery verval nie.”

Nkwinti het die belangrikheid van voedselsekerheid benadruk en gesê baie wit boere staan sy departement by in die opleiding van swart boere.

Hy het ook op verskeie suksesse in landelike ontwikkeling aanspraak gemaak, waarvan die nuwe Mandela-brug oor die Basheerivier in die Transkei die vertoonstuk is.

Nkwinti het gesê sy departement onderneem ’n projek om landelike swart Suid-Afrikaners se oorvertellings as geskiedenisbron te verewig.

Wat betref die nuwe wetsontwerp wat diegene wat nie teen die vorige afsnydatum in 1998 grondeise ingedien het nie kans gee om dit teen Desember 2018 te doen, het hy gevra dit moet boere nie onseker oor die toekoms maak nie.

“Ons besef die proses is tot dusver administratief verkeerd gehanteer deur my departement, met geen rede vir boere om hul plase in stand te hou of te verbeter as ’n grondeis daarop geregistreer is nie.

“Ons verander nou die stelsel sodat dit vir die wit boer voordelig is om te bly boer nadat ’n grondeis geregistreer is.

“Boere moet ook onthou die registrasie van ’n grondeis beteken nie die eis gaan suksesvol wees nie.

“Wat swart grondeisers betref, vra ek dat hulle geduldig moet wees.

“Hierdie keer doen ons die proses reg en hulle sal inligtingstukke ontvang oor hoe dit werk, maar dit gaan ’n bietjie tyd neem.”

Bob as ‘stryder teen Britte’ geloof

Kaapstad. – Oë het gister in die parlement gerek toe Gugile Nkwinti, gewoonlik bedaarde minister van landelike ontwikkeling en grondhervorming, gesê het dit is vir hom ’n voorreg om met pres. Robert Mugabe van Zimbabwe vergelyk te word.

Hy het later aan Beeld gesê hy bewonder Mugabe vir sy tydperk as stryder teen Brittanje en nié as grondhervormer nie.

Die herrie spruit uit Nkwinti se begrotingsdebat waartydens Pieter Groenewald, VF+-LP, gesê het die land kan ’n volgende Zimbabwe word.

In sy repliek het Nkwinti gesê: “Pres. Robert Mugabe is nie president van Suid-Afrika nie. Pres. Jacob Zuma is ons president en die situasie verskil.

“Maar ek is trots daarop om met Mugabe vergelyk te word. Mugabe moes regstel wat Brittanje aan Zimbabwe gedoen het. Ek word eerder met hom vergelyk as met die Britte, wat Zimbabwiërs uitgemoor het.”

Nkwinti het later erken hy het oorreageer. “As grondhervormer vind ek hom glad nie nastrewenswaardig nie.

“Ons sal hom nie navolg nie. Suid-Afrika is ’n grondwetlike demokrasie en alle grondhervorming sal binne die perke van die Grondwet geskied. Dit is mos die wesenskern van ons grondbeleid en dit is ons oortuiging.” – Jan-Jan Joubert