24 Mei 13:11
12°C / 22°C

Kaapstad Verander Area

Vandag


22°C / 12°C

Wind 17km/h


Reënval 0.0mm


Humiditeit 71%

Maandag


19°C / 15°C

Wind 23km/h


Reënval 0.0mm


Humiditeit 62%

Dinsdag


18°C / 13°C

Wind 24km/h


Reënval 3.8mm


Humiditeit 81%

Woensdag


21°C / 13°C

Wind 13km/h


Reënval 0.0mm


Humiditeit 66%

Donderdag


22°C / 14°C

Wind 16km/h


Reënval 0.0mm


Humiditeit 68%

Vrydag


18°C / 15°C

Wind 23km/h


Reënval 12.4mm


Humiditeit 76%

Nuus

Ervare vlieënier sterf toe hy brand bestry

Maandag 10 Junie 2013 00:47

Telo Steyn

’n Ervare vlieënier is dood terwyl hy ’n brand in die Piet Retief-gebied in Mpumalanga bestry het.

Telo Steyn (49) het eergistermiddag in ’n Dromader Firebomber water op die vlamme gespuit toe hy in ’n digte rookwolk ingevlieg het.

Nico Pienaar, die eienaar van ’n brandbestrydingsmaatskappy, het gesê Steyn het ’n week gelede vir hom begin werk in Piet Retief.

“Die rook was baie dig. Hy het net verdwyn nadat hy in die wolk ingevlieg het.”

Volgens Pienaar is die wrak van die eensitplek-vliegtuig gevind sowat 20 minute nadat dit verdwyn het.

Jacs van Rooi, ’n vriend van Steyn, het gesê die vliegtuig het klaarblyklik afgetol grond toe en op sy romp tussen klein bloekombome geval.

Van Rooi het gesê Steyn vlieg al meer as 25 jaar lank.

Arlene Botes, een van Steyn se susters, het gesê hy was versot op vlieg.

“Vlieg was sy alles. Dit was sy lewe. Hy kon alles onder die son vlieg.”

Steyn was ongetroud en het drie ouer susters. Sy ma, Care (81), woon in Klerksdorp.

Botes het gesê geen begrafnisreëlings is nog getref nie. Die Burgerlugvaartowerheid ondersoek die oorsaak van die ongeluk. – Marietie Louw-Carstens