28 Augustus 07:26
14°C / 15°C

Kaapstad Verander Area

Vandag


15°C / 14°C

Wind 23km/h


Reënval 0mm


Humiditeit 85%

Saterdag


16°C / 13°C

Wind 31km/h


Reënval 1mm


Humiditeit 79%

Sondag


16°C / 14°C

Wind 34km/h


Reënval 0mm


Humiditeit 82%

Maandag


14°C / 13°C

Wind 32km/h


Reënval 9mm


Humiditeit 84%

Dinsdag


16°C / 14°C

Wind 34km/h


Reënval 0mm


Humiditeit 72%

Woensdag


18°C / 12°C

Wind 15km/h


Reënval 0mm


Humiditeit 64%

Nuus

Skare gryp varke ná vragmotor omslaan

Donderdag 13 Junie 2013 01:14

’n Skare het eergistermiddag op ’n omgeslane vragmotor met varke net buite Badplaas afgestorm, die diere gegryp en met hulle weggehardloop.

Petro Oosthuizen, ’n inspekteur van die Dierebeskermingsvereniging in Middelburg, het gister gesê die vragmotor was met 139 varke op pad na ’n abattoir in Barberton toe dit omstreeks 14:00 buite Badplaas omgeslaan het.

Mpumalanga se veeartsenydienste het die Nasionale Dierebeskermingsvereniging (NDBV) in kennis gestel.

Volgens Oosthuizen is die bestuurder van die vragmotor ernstig beseer en na ’n hospitaal gebring.

Sy het gesê 53 beseerde varke is deur haar en vier van haar kollegas van kant gemaak. Die eienaar van die varke, van die Vryheid-omgewing, is intussen van die ongeluk ingelig.

“Ons het besluit om by die res van die varke op die eienaar te wag.”

’n Geskokte Oosthuizen het gesê skielik, “asof vanuit die niet”, het ’n skare mense op die varke toegesak.

Van die diere is aan hul agterpote opgetel. Ander is weggesleep.

Al die varkkarkasse en 86 lewendige varke is weggedra.

Die polisie, wat in die omgewing was, het glo niks gedoen nie.

“Ons het hulle gesoebat om ons te help om die varke te beskerm, maar hulle het gesê hulle kan niks teen so ’n oormag doen nie.” – Elise Tempelhoff