Kaapstad Verander Area

Vandag


23°C / 15°C

Wind 18km/h


Reënval 0.2mm


Humiditeit 58%

Maandag


25°C / 14°C

Wind 20km/h


Reënval 0.0mm


Humiditeit 61%

Dinsdag


25°C / 15°C

Wind 19km/h


Reënval 0.1mm


Humiditeit 65%

Woensdag


24°C / 16°C

Wind 17km/h


Reënval 0.0mm


Humiditeit 59%

Donderdag


25°C / 17°C

Wind 22km/h


Reënval 0.0mm


Humiditeit 62%

Vrydag


23°C / 16°C

Wind 35km/h


Reënval 0.2mm


Humiditeit 57%

Nuus

Kaartjies, blomme, kerse vir Madiba

Vrydag 14 Junie 2013 11:43 vm.

PRETORIA. – Verskeie boodskappe van beterskap, asook  bosse blomme en brandende kerse is Vrydag by die hoof-ingang van die plaaslike hospitaal waar Nelson Mandela reeds die afgelope sewe dae behandel word, gelaat.

Kleurvolle kaartjies en plakkate waarop boodskappe aan die voormalige staatshoof geskryf is, kan teen die muur langs die ingang na die Medi Clinic-harthospitaal gesien word. Die boodskappe wens deur die bank Madiba sterkte toe en hoop op ‘n spoedige herstel word in almal uitgespreek.

“Jy is ‘n vegter, ek weet jy sal dit maak,” het Mpho Hanson geskryf.

“Ons het jou nodig, Tata Madiba. Word gou gesond,” was Emedi Morule se boodskap.

‘n Blou ballon met die woorde “Spoedige beterskap, jou legende” is ook teen die muur vasgeplak.

Verskeie bosse blomme en getekende harte is by die hek te sien en tekens van kerse wat gesmelt het tydens die nagwaak wat daar vir die politieke ikoon gehou is, was Vrydag nog sigbaar .

Mandela is verlede Saterdag in die vroeë oggendure gehospitaliseer na hy weer ‘n longinfeksie ontwikkel het. Die jongste nuus uit die kantoor van die presidensie is dat die geliefde staatsman in ‘n “ernstige maar stabiele toestand” verkeer.

Pres. Jacob Zuma, vergesel deur die ANC se tesourier-generaal, Zweli Mkhize, het die hospitaal gister besoek.

“Madiba se gesondheid verbeter, maar sy toestand is steeds ernstig,” het hy agterna in ‘n verklaring gesê. “Ons volhard met ons beroep op almal - plaaslik en oorsee – om vir hom te bid en te bly hoop dat hy spoedig sal herstel.”

Sekerheid by die Medi Clinic-harthospitaal was Vrydag steeds uiters streng en verskeie polisiebeamptes het motors by die twee ingange deursoek.

‘n Brigade plaaslike en internasionale verslaggewers en uitsaaiers het sedert verlede Saterdag buite die hospitaal stelling ingeneem, wagtend op enige nuus.

Nuuskierige verbygangers stop elke nou en dan om die boodskappe aan Madiba te lees en ‘n foto van muur waar dit vertoon word, te neem. - Sapa