Kaapstad Verander Area

Vandag


25°C / 17°C

Wind 23km/h


Reënval 0.7mm


Humiditeit 69%

Saterdag


25°C / 16°C

Wind 28km/h


Reënval 5.4mm


Humiditeit 51%

Sondag


29°C / 16°C

Wind 35km/h


Reënval 0.0mm


Humiditeit 35%

Maandag


32°C / 18°C

Wind 24km/h


Reënval 0.0mm


Humiditeit 29%

Dinsdag


28°C / 19°C

Wind 26km/h


Reënval 0.0mm


Humiditeit 53%

Woensdag


26°C / 17°C

Wind 36km/h


Reënval 0.0mm


Humiditeit 52%

Nuusflitse
Ocean Basket moet sy vis regkry op spyskaart Eugene de Kock kry parool Man kry toesig oor babas van surrogaatma’s Bloemfonteinse polisieman sterf in motorfietsongeluk Ontvoerde Duitsers in Paraguay dood gevind Van Breda's: Vriendin van gesin neem haar eie lewe Bedfordsentrum: Transito-baasbrein vas Treinwa ontspoor in Kaapstad Rentekoers bly onveranderd Max du Preez kry nuwe ‘tuiste’ Vrou in haar Witbank-huis aangeval ​Gene Hackman-gerugte is onwaar AirAsia-ramp: Mede-vlieënier het vliegtuig gevlieg Islamitiese Staat verleng sperdatum vir terroris se vrylating Thomas Ferreira se lewe 'beëindig' - landdros Bylmoorde: Pa was bekommerd oor misdaadsituasie ​Johnny Depp herstel van ‘chupacabra-aanval’ ​Voltaire se boek ’n topverkoper ANC wil grondbesit beperk Polisie speel groot rol in ernstige misdaad - SAIRV Krokodil byt man van Pretoria aan been 4 mense sterf in bankdrama in Rusland De Zalze-bloedbad: 16-jarige is nog kritiek Beweerde metropolisie-roof: 2 verskyn in hof IS eis vrylating van terroris in ruil vir gyselaars Belastingbetalers dok op vir Ace Magashule se 72 gaste in Kuba 3 gesinslede dood in bloedbad by gholflandgoed Belfast-stadsraad: ‘Vermy vis op straat’ Vegvliegtuig stort neer: Dodetal styg tot 11 ANC gaan vir Selebi-begrafnis betaal 7 huiskomiteelede van Potch voorlopig geskors 3 mense op De Zalze vermoor Metropolisie beroof glo ma, 2 kinders Fliek oor FW de Klerk draai in die VSA Facebook-gebruikers ruk lank ‘in duister’ 10 dood toe vegvliegtuig teen ander vliegtuie bots Brandfort: Oë rek oor reuse-uitgawes Top-spioen in hof oor bedrog
Nuus

Nek af, maar nie verlam ná lorrie tref

Deur Leané Meiring Dinsdag 18 Junie 2013 00:25

Marinda Combrink saam met haar man, Barry, en dogter, Jaimy-Leigh.

“Ek belowe dit was nie my skuld nie.”

Dit was Marinda Combrink se eerste woorde aan haar man nadat haar motor Vrydag deur ’n wegholvragmotor in Floracliffe, Roodepoort, getref is.

Combrink moes met lewenskake uit haar Hyundai i10 gesny word nadat ’n vragmotorbestuurder op die afdraand in William Nicol-rylaan beheer oor die vragmotor verloor en in talle motors vasgeploeg het.

Vier mense is in die ongeluk dood en 18 beseer.

Combrink is in ’n ernstige toestand in die Milpark-hospitaal se waakeenheid in Johannesburg.

Haar nek en bekken is gebreek en ’n rib het deur haar een long gesteek.

Haar man en twee van haar drie kinders het gister buite die hospitaal gesê dit is ’n wonderwerk dat sy leef.

“Sy onthou die ongeluk. Sy het sukkel-sukkel aan my gesê dat sy gesien het hoe die lorrie oor motors stoomroller.

“Sy het geweet hy gaan haar tref, maar daar was niks wat sy kon doen nie,” het Barry, haar man, gesê.

Combrink was op pad na die gesin se huis in Witpoortjie, Roodepoort, om haar dogter, Jaimy-Leigh, te gaan oplaai.

“Sy het vir my ’n SMS gestuur wat sê sy is amper by die huis. Toe sy ’n uur later steeds nie by die huis was nie, het ek geweet iets aakligs het gebeur,” het Jaimy-Leigh gesê.

Barry het die oproep oor sy vrou se ongeluk as een van die “aakligste oomblikke van my lewe” beskryf.

“Niemand kan jou vir só iets voorberei nie. Ons het dadelik begin bid en die hele gemeenskap, almal wat haar ken, het saam met ons gebid. Ons dien ’n lewende God. Dit kon baie erger gewees het.”

Die gesin was gister opgewonde omdat Combrink se dokters optimisties is oor haar toestand.

Prof. Kenneth Boffard het gesê sy is baie gelukkig.

“Haar nek is op ’n kritieke plek gebreek. Dit dompel die meeste mense in ’n permanente staat van verlamming. Sy is egter nié verlam nie en daar is ’n kans dat sy sonder enige operasie sal herstel.”

Boffard het gesê Combrink sal minstens vir twee weke nog in die hospitaal wees waarna sy intensiewe rehabilitasie sal ondergaan om weer te leer loop.

“Ons was so bang, maar vandag is ons vol moed dat sy ten volle gaan herstel. Ons kan nie wag om haar te bederf nie,” het Barry gesê.

Edna Mamonyane, woordvoerder van die Johannesburgse metropolisie (JMPD), het gesê ’n saak van strafbare manslag is geopen en word ondersoek.

Niemand is nog aangekla nie.

Twee vroue wat in die ongeluk dood is, is uitgeken as Sandra Southgate (36), en T. Ferreira (59).

Die ander oorledenes se naasbestaandes is nog nie gevind nie en hul name is gevolglik nog nie bekend gemaak nie.