Kaapstad Verander Area

Vandag


25°C / 16°C

Wind 27km/h


Reënval 0.0mm


Humiditeit 65%

Vrydag


23°C / 14°C

Wind 20km/h


Reënval 0.0mm


Humiditeit 53%

Saterdag


23°C / 14°C

Wind 22km/h


Reënval 0.0mm


Humiditeit 53%

Sondag


23°C / 15°C

Wind 21km/h


Reënval 0.1mm


Humiditeit 57%

Maandag


25°C / 15°C

Wind 18km/h


Reënval 0.1mm


Humiditeit 61%

Dinsdag


23°C / 14°C

Wind 16km/h


Reënval 0.1mm


Humiditeit 54%

Nuus

Renosters maak haar hartseer

2 jong sussies stry die stryd

Deur Leané Meiring Dinsdag 18 Junie 2013 11:18 nm.

Aaminah (11) en haar sussie, Afeefah (8). Foto:CORNÉL VAN HEERDEN

Die jeug is amptelik deel van die stryd om die land se renosters van uitwissing te red.

So sê Aaminah (11) en Afeefah (8) Patel van Robertsham in Johannesburg wat skole saam met die Rhino SA-veldtog besoek om die jeug bewus te maak van renosterstropery én hulle aan te moedig om ook betrokke te raak.

Die twee sussies is verlede week deur Rhino SA aangewys as Rhino Champions vir hul kreatiewe bydraes om die land se renosters te red.

Die organisasie was so beïndruk deur die twee sussies dat hulle selfs nou toesprake oor renosterstropery skryf en kinders motiveer om betrokke te raak.

Dit het alles begin toe Afeefah ’n brief aan pres. Jacob Zuma geskryf het en hom gesmeek het om die renosters te red.

In reaksie daarop het SANParke haar met ’n toekenning by sy jaarlikse Koedoe-prysuitdeling vereer.

Die pryse gaan aan mense wat bydraes tot natuurbewaring lewer.

Sy het ook prysgeld van R20 000 ontvang wat sy aan die Unite Against Poaching-veldtog gegee het.

Dit was die begin van ’n internasionale briefveldtog deur Rhino SA.

Die doel is om kinders van oor die wêreld te kry om ’n brief aan Zuma te skryf. Aaminah en Afeefah gaan die briewe later vanjaar aan hom oorhandig.

Volgens Irene Huysamen, woordvoerder van Rhino SA, het hulle die veldtog met behulp van buitelandse bewaringsorganisasies begin.

Daar is al 7 000 briewe ingesamel.

“Ek het geleer van stropers en prentjies gesien van renosters sonder horings.

“Dit het my so hartseer gemaak. Ek moes iets doen,” het Afeefah gesê.

Sy en Aaminah besoek die Krugerwildtuin gereeld saam met hul ouers en het daar lief geword vir die “dier wat oud en verrimpeld lyk”.

Volgens Aaminah het die beelde van renosters sonder horings op TV haar seergemaak.

“Ek was hartseer en het besluit om ’n gedig te skryf oor hoe die arme renoster voel,” het sy gesê.

Sy sluit haar gedig só af:

“Ek weet nie of ek môre nog hier gaan wees nie, so maak seker die wêreld hoor my pleidooi en my laaste woorde.

“Jou vriend, meneer Renoster.”