Kaapstad Verander Area

Vandag


23°C / 14°C

Wind 32km/h


Reënval 0.0mm


Humiditeit 45%

Saterdag


25°C / 16°C

Wind 32km/h


Reënval 0.0mm


Humiditeit 50%

Sondag


26°C / 16°C

Wind 28km/h


Reënval 0.2mm


Humiditeit 58%

Maandag


20°C / 15°C

Wind 23km/h


Reënval 24.6mm


Humiditeit 85%

Dinsdag


21°C / 16°C

Wind 14km/h


Reënval 2.8mm


Humiditeit 76%

Woensdag


23°C / 16°C

Wind 33km/h


Reënval 0.0mm


Humiditeit 63%

Nuusflitse
4 werkers sterf toe brug ineenstort Man val laerskoolkinders met mes aan 4 mense dood en 14 beseer in ongelukke op Van Reenenspas Sataniste soek swart katte in Hongarye Man dood in Tafelberg-tragedie Zambiër vas oor hy in lug skiet ná president se dood ‘Hongarye sit internetbelasting eers op ys’ Miley Cyrus se rok skok Man ontnugter met droomvrou, wurg haar Rowers grawe tonnel om bank te beroof Vermeende verkragter gesoek MH370: Seuns dagvaar oor pa se “dood” Beroemde bokskryt glo gesteel Thuli Madonsela: Jy's nie bo die reg, JZ 13-jarige ontvoer: 'Toestande in ouerhuis nie noodwendig sleg' Steve Hofmeyr ken nie apartheid - Virginia Keppler Klimmer sterf op Nepal-berg Eerste renoster in Etosha gestroop Taxi-eienaar doodgeskiet in Jhb-middestad Werkloosheid hier om te bly Twee mans aangekeer ná skietvoorval Toeristemoord: Mianmar-verdagtes gaan weer getoets word Duitse toeris dood in Australiese park gekry Vodacom: Klante se besonderhede glo bekendgemaak Ebola: Verpleegster in VSA weier kwarantyn Vermeende ontvoerder van meisie (13) vandag in hof Nóg bewyse dat Ellen Tshabalala jok oor graad Gesteelde skape in vrou se slaapkamer gevind Fransman sterf ná 56 sopies 14 dood, 300 vermis ná grondstorting in Sri Lanka ​Kommer oor TB en diabetes-epidemie Kiwi's gaan stem oor nuwe vlag ​Rusland bied hulp aan na vuurpyl-ontploffing ​VN aanvaar resolusie oor Kuba Hoogswanger Thandi Bocibo by hospitaal weggewys Vermiste Casandra Lottering (13) is gevind Die Leeu, die Jakkals en die Perske maak musiek Wilde sampioene maak gesin siek Ebola: Switsers sê ja vir eksperimentele entstof Sanger Bobby beroof Kroonprinses Masako hou eerste banket in 11 jaar Kambodja: Broers sterf in handgranaatontploffing Tienerseun vas wat kleuter glo verkrag, vermoor Chinese toeriste in Durban-ongeluk beseer Oscar Pistorius: 4 gronde vir appèl Wes-Kaap: Alan Winde wil grondhervorming aanpak Senzo Meyiwa: Gemeenskap moet die polisie help
Nuus

Obama sien held dalk wel

Hy sluit Madiba-besoek nie uit nie

Deur Sarel van der Walt, Jan-Jan Joubert Saterdag 29 Junie 2013 12:43 vm.

Barack Obama en sy dogter Malia kom gisteraand op die Waterkloof-lugmagbasis aan.Foto: Chip Somodevilla, Getty

Agt jaar nadat ’n junior senator pres. Nelson Mandela se hand die eerste keer geskud het, het dié senator, nou pres. Barack Obama, gisteraand in ’n land aangekom waar Madiba om sy lewe veg.

Obama se vrou, Michelle, en hul dogters, Sasha (12) en Malia (14), was ook aan boord van Air Force One wat op die Waterkloof-lugmagbasis by Pretoria geland het.

Pres. Jacob Zuma was nie daar nie. Maite Nkoana-Mashabane, minister van internasionale betrekkinge en samewerking, het Obama verwelkom.

Die twee staatshoofde vergader vanoggend en beantwoord daarna gesamentlik mediavrae.

Dan sal Obama studente by die Universiteit van Johannesburg toespreek voordat hy dr. Nkosazana Dlamini-Zuma, voorsitter van die Afrika-Unie, vir samesprekings ontmoet en vanaand ’n staatsbanket in Pretoria bywoon.

Môreoggend vlieg hy na Kaapstad vir besoeke aan Robbeneiland en ’n gemeenskapsprojek by Houtbaai voordat hy ’n beleidstoespraak by die Universiteit van Kaapstad lewer en Maandagoggend na Tanzanië vertrek.

In politieke kringe word uitgewys albei staatshoofde is tans in hul onderskeie lande polities onder druk en kan baat vind by ’n suksesvolle besoek.

Die voortgesette aanhoudings in die Amerikaanse basis Guantánamo Bay in Kuba en die onopgeloste stryd in Afganistan ry Obama bloots, terwyl die Nkandla-skandaal, die gevolge van die Marikana-menseslagting en groeiende wanbestuur en korrupsie onder meer Zuma se beeld benadeel het.

Obama, op sy eerste besoek as president aan die land, het voor sy vertrek gister uit Senegal gesê ’n besoek aan Mandela is nie uitgesluit nie, berig CNN.

Obama het gesê só ’n besoek is in die hande van die 94-jarige Mandela se familie.

“Ons sal sien wat die situasie is wanneer ons (in Suid-Afrika) land.

“Ek het nie ’n foto-geleentheid nodig nie en die laaste ding wat ek wil doen, is om op enige wyse opdringerig te wees in ’n tyd wanneer die familie bekommerd is oor Nelson Mandela se toestand.”

Obama het dié week weer gesê Mandela is sy grootste held.

Air Force One het omstreeks 20:10 gisteraand onder uiters streng veiligheidsmaatreëls op Waterkloof neergestryk.

Hoewel betrekkinge tussen Suid-Afrika en die VSA nie meer so heg is as in die verlede nie, het Zuma vandeesweek gesê hy sien baie uit na Obama se besoek. Dit is boonop ’n belangrike besoek omdat die VSA een van Suid-Afrika se vernaamste handelsvennote is.

Suid-Afrika het verlede jaar ’n positiewe handelsbalans van $1,1 miljard met die VSA gehandhaaf. Ons het $7,6 miljard se goedere vanaf die VSA ingevoer en $8,7 miljard se goedere na die VSA uitgevoer.

Die Withuis het vroeër reeds gesê Obama hoop om met sy besoek aan Afrika onder meer beleggingsgeleenthede vir Amerikaanse maatskappy te bevorder.

Die ANC het gister in ’n verklaring gesê Suid-Afrika en die VSA het “robuuste en groeiende handelsverhoudinge”. Die party het Obama ook bedank vir sy “mooi woorde” oor Mandela vandeesweek.

Obama het Patrick Gaspard wat in die Demokratiese Republiek van die Kongo (DRK) gebore is, eergister benoem as die nuwe Amerikaanse ambassadeur in Suid-Afrika.

Hy is tans uitvoerende direkteur van die Demokratiese Party se nasionale komitee.