Kaapstad Verander Area

Vandag


27°C / 16°C

Wind 26km/h


Reënval 0.0mm


Humiditeit 51%

Dinsdag


26°C / 17°C

Wind 19km/h


Reënval 0.0mm


Humiditeit 66%

Woensdag


24°C / 16°C

Wind 14km/h


Reënval 0.0mm


Humiditeit 74%

Donderdag


23°C / 16°C

Wind 36km/h


Reënval 0.0mm


Humiditeit 68%

Vrydag


25°C / 16°C

Wind 33km/h


Reënval 0.0mm


Humiditeit 58%

Saterdag


25°C / 16°C

Wind 36km/h


Reënval 0.0mm


Humiditeit 56%

Nuus

Petrolprys pootjie verbruiker met 84c

Swak rand lei glo tot styging, kan nóg styg

Deur Blanché de Vries Saterdag 29 Junie 2013 12:27 vm.

Die petrolprys gaan volgende week met 84c per liter (vir alle grade) styg.

Diesel sal 78c per liter duurder wees, het die departement van energie gister aangekondig.

Die prys van 95 oktaan-petrol sal in die binneland R13/F wees en aan die kus R12,86/F.

“Ons sal hiermee moet klaarkom of ons sal alternatiewe vervoer, soos ’n saamryklub, moet kry,” het Chris Hart, ekonoom van Investment Solutions, gesê.

Volgens Hart was dié drastiese styging te wagte nadat die rand in Junie erg teenoor die Amerikaanse dollar verswak het.

Die rand het gister onder R10 teen die dollar verhandel nadat dit vroeër vandeesmaand tot oor die R10,30 gedaal het.

“Mense sal onnodige maandelikse onkostes moet laat vaar en moet begin snoei aan ander aktiwiteite,” het Hart gesê.

Die moontlikheid bestaan volgens hom dat die petrolprys teen einde vanjaar nóg hoër kan wees.

Gary Ronald, ’n vervoerkonsultant, het gesê die prys van vervoer sal Woensdag middernag, wanneer die nuwe pryse in werking tree, ’n kritieke punt bereik. “Dit gaan die ekonomie, wat reeds onder groot druk is, negatief beïnvloed, want mense met ’n beperkte inkomste sal dit nie kan bekostig nie.

“ ’n Veilige en betroubare openbare vervoerstelsel is nie vir almal toeganklik nie,” het hy geantwoord op ’n vraag of openbare vervoer nou oorweeg moet word.

Ronald het bygevoeg dat kospryse en die tariewe van openbare vervoer binne die volgende maand sal styg.

Die vorige rekordprys vir petrol was R13,20/F in April.

’n Motoris wat gemiddeld 100 F petrol per maand verbruik, gaan van Woensdagoggend ’n bykomende R84 per maand moet opdok.

Volgens die departement is die verswakking van die rand verantwoordelik vir byna 58c van die prysverhoging.

Die petrolprys het sedert Januarie 2010, toe dit R7,63/F gekos het, byna verdubbel.

Munisipaliteite se jaarlikse begrotings tree ook op 1 Julie in werking vir die nuwe 2013-’14-boekjaar.