03 September 06:28
12°C / 17°C

Kaapstad Verander Area

Vandag


17°C / 12°C

Wind 9km/h


Reënval 0mm


Humiditeit 70%

Vrydag


18°C / 13°C

Wind 11km/h


Reënval 0mm


Humiditeit 64%

Saterdag


21°C / 14°C

Wind 10km/h


Reënval 0mm


Humiditeit 62%

Sondag


21°C / 14°C

Wind 30km/h


Reënval 0mm


Humiditeit 63%

Maandag


15°C / 13°C

Wind 30km/h


Reënval 3mm


Humiditeit 85%

Dinsdag


14°C / 11°C

Wind 22km/h


Reënval 0mm


Humiditeit 69%

Nuus

Mandela: Land hou asem op

‘Sy medemenslikheid maak SA ’n beter plek’

Deur Neels Jackson Saterdag 29 Junie 2013 01:18

Wasserman Foto: Deaan vivier

“Ek wou kom. Dis my verklaring dat ek nie bang is vir wat in Suid-Afrika gaan gebeur as Madiba nie meer hier is nie.”

So het ds. Wimpie Wasserman (26), predikant van die Rant-en-Dal-gemeenskapskerk op Krugersdorp, buite die Pretoria- harthospitaal in Pretoria gesê.

Wasserman het ’n kaartjie teen die buitemuur van die hospitaalterrein aangebring met sy gemeente se boodskap: “God bless you Madiba.”

Wasserman het gesê hy is ’n produk van wat Madiba in die land gedoen het.

“Ons kom uit die blikkieskosgenerasie,” het Wasserman gesê.

Hy onthou uit sy seuntjiedae hoe mense uit vrees blikkieskos opgegaar het met 1994 se politieke oorgang. Hy onthou selfs mense wat hul huise met sandsakke beveilig het. Niks van daardie vrese het waar geword nie, en Wasserman het vir Mandela die erkenning daarvoor gegee.

Hy het gepraat oor die staatsman se liefde en aanvaarding, oor die hoop wat hy gebring het wat oor ras- en kleurgrense strek. “Hy het gewys haat kan wegval voor liefde,” het Wasserman gesê.

Hy het geen twyfel nie dat Suid-Afrika nou ’n beter land is – alles danksy Madiba se medemenslikheid. Al was hy ’n wêreldleier, het hy tog ook gevoel soos “die ou langsaan”.

Self is hy getroud en hy sien uit na die moontlikheid om kinders te hê. Daar is hoop vir kinders in hierdie land.