Kaapstad Verander Area

Vandag


25°C / 16°C

Wind 27km/h


Reënval 0.0mm


Humiditeit 65%

Vrydag


23°C / 14°C

Wind 20km/h


Reënval 0.0mm


Humiditeit 53%

Saterdag


23°C / 14°C

Wind 22km/h


Reënval 0.0mm


Humiditeit 53%

Sondag


23°C / 15°C

Wind 21km/h


Reënval 0.1mm


Humiditeit 57%

Maandag


25°C / 15°C

Wind 18km/h


Reënval 0.1mm


Humiditeit 61%

Dinsdag


23°C / 14°C

Wind 16km/h


Reënval 0.1mm


Humiditeit 54%

Nuus

Vroedvrou: ‘Dis ’n babafabriek’

Suster van SA help Afgane

Deur Pauli van Wyk Saterdag 29 Junie 2013 12:47 vm.

Zanie Prinsloo met ’n Afgaanse drieling wat sy die lewe ingehelp het.

Sy het gesorg dat al haar vroulike kollegas by haar terugkeer bra’s dra, het Jeanne (Zani) Prinsloo, ’n vroedvrou wat ses maande in Afganistan gewerk het, gister laggend vertel.

Prinsloo (37) het nog altyd jeukerige voete gehad en haar verlede jaar by ’n Dokters Sonder Grense-projek in die oorloggeteisterde en “superkonserwatiewe” Afganistan aangesluit.

Dit is waar vroueregte 5c werd is en dit nie vreemd is nie as ’n ma ’n onwettige aborsie vra omdat sy nie vir haar 14de kind kans sien nie, het Prinsloo vertel.

Sommige ma’s kan nie eens hul name spel nie omdat meisies nooit skool toe gestuur word nie.

“Dit is ook niks vreemds vir die ses vroedvroue, wat elk sewe dae ’n week ’n 15 uur lange skof werk, om ongeveer 1 025 babas in ’n maand te verlos nie. Dit was ’n babafabriek. Verskriklik.”

Daarby is goeie mediese sorg skaars en die landskap bar. Om van Khost na Kaboel, sowat 230 km van mekaar te ry, is ’n rit van 10 uur.

“Ons het nooit daarheen gery nie en sou net in ’n noodgeval daarheen vlieg.”

In ’n ongenadige land het Prinsloo ’n oase help skep waar Afgaanse vroue in ’n vrouehospitaal (’n ongekende luukse) die boerka en serp kon afruk, hul naels kon verf en vryelik oor mans en seks kon praat.

“Girl talk, soos ons almal doen, maar hulle mag nie.”

En hoewel sy “die witte” genoem is, het sy g’n oomblik vir haar lewe gevrees nie. Al het ’n bom voor haar aankoms in die hospitaal in die Khost-gebied aan die oostekant van Afganistan ontplof. Al mag sy eintlik nie sonder ’n serp om die hare gesien word nie.

“Ek het hier geleer dat as jy die bom nie kan ruik of nie die rook kan sien nie, is jy veilig. Al bewe die aarde om jou.”

En die dag toe sy haar span groet, het al die vroue bra’s gedra.

“ ’n Groot stap vorentoe vir vroueregte in ’n land waar verandering baie stadig gebeur.”

Prinsloo het haar opleiding as suster en vroedvrou destyds in 1 Militêre Hospitaal ontvang.

Nie lus vir “huis-huis speel” nie het sy ’n tyd lank in die MiddeOoste gewerk en toe die pionierswerk by Dokters Sonder Grense aanvaar.

Eersdaags vertrek sy na Sirië om ook daar verligting te bring.