Kaapstad Verander Area

Vandag


22°C / 14°C

Wind 21km/h


Reënval 10.5mm


Humiditeit 73%

Vrydag


23°C / 16°C

Wind 22km/h


Reënval 0.0mm


Humiditeit 64%

Saterdag


25°C / 17°C

Wind 22km/h


Reënval 0.0mm


Humiditeit 56%

Sondag


27°C / 17°C

Wind 13km/h


Reënval 0.0mm


Humiditeit 60%

Maandag


23°C / 16°C

Wind 22km/h


Reënval 0.1mm


Humiditeit 64%

Dinsdag


24°C / 17°C

Wind 41km/h


Reënval 0.0mm


Humiditeit 61%

Nuusflitse
Brit onder 5 wat sterf in Afganistan-bomaanval Man gevonnis vir dubbele moord in Beaufort-Wes Mandela se dood in Desember herdenk Lewe glo te moeilik: 98-jarige skiet homself en vrou Skoon oudit vir Gautrein Nog swaar reën vir Gauteng voorspel Burgermeestersdrama in Mokopane: SAPD ontplooi Kapenaar moor glo gewese vrou in Nieu-Seeland Wladimir Poetin se bankier deur interpol gesoek Dominee spontaan toegejuig toe kerk se ligte aangaan Grapjas se optrede het Steve Hofmeyr diep seergemaak Jacob Zuma se mond gesnoer toe hy oor ANC wou praat China: 26 sterf in brand by steenkoolmyn IS ‘mees brutale bedreiging nog’ – Angela Merkel Steve Hofmeyr: Konsert glo R5 miljoen kwyt Man urineer in vliegtuig se gang Grypdief laat spaander met handsak, R5 000 Opgekapte lyk in Kampsbaai gevind Gedwonge verhuising staar advokate in die gesig Man ontevrede oor vroue-universiteite Seun kan nie matriek voltooi weens aanranding Boksombende help vir Blikkies met heupvervangings 'Eenhoring' kry groot belangstelling Munisipale Eskom-skuld buite beheer Eerste Italianer met Ebola ‘is stabiel’ Vermeende kaper geskiet, gewond Bomaanvalle in Nigerië eis minstens 45 Woonstelgebou stort ineen - 10 dood Pta-man skiet homself EFF-tugverslag dalk oorweeg Polisieman vas wat bewysstukke in barrakke bêre Kiesers begin stem in die Himalayas Hof bevind man is dalk ná dekades in tronk onskuldig Ferguson: Geweldpleging ná jurie besluit om polisieman nie te vervolg Don Steenkamp word weg van ander jeugdiges aangehou Julius Malema en wag in onderonsie
Nuus

Leeu byt vrou en sleep haar by hok in

Deur Buks Viljoen Woensdag 03 Julie 2013 3:20 vm.

Lauren Fagen, ’n 18-jarige Kanadees, is deur ’n leeu aangeval terwyl sy hom glo gevoer het. Foto: verskaf

NELSPRUIT. – ’n Droom om met wilde diere te werk het ’n dramatiese wending vir ’n 18-jarige Kanadees geneem toe sy naby Hoedspruit deur ’n leeu aangeval is.

Lauren Fagen van Montreal, Quebec, moes eergister om haar lewe veg toe Duma, ’n leeumannetjie by die Moholoholo-rehabilitasiesentrum, haar by sy hok probeer insleep het.

Sy het glo die leeu gevoer toe hy skielik sy poot deur die tralies steek en haar aan die regterbeen beetkry.

“Ek kon nie nie glo wat gebeur nie, veral omdat hy oomblikke tevore nog vriendelik met sy kop en lyf teen die tralies gedruk het, so asof hy wou hê ek moet hom vryf,” het Fagen gister vertel.

Terwyl hy haar aan die been nader gesleep het, het sy hom met die linkerbeen probeer wegskop.

In ’n stadium het hy haar ook aan die ander been gegryp en haar bene deur die tralies getrek.

Hy het ook sy kake by haar linkerbeen ingeslaan.

Sy slagtande het ’n hoofslagaar in haar lies rakelings gemis.

“Ek het verskriklik geskree en alles het voor my verdof.

“Ek het eers weer besef wat aangaan toe ander vrywilligers nader storm.

“Was dit nie dat iemand die leeu met ’n stok geslaan het nie, kon ek baie seerder gekry het.”

Duma het haar toe laat los en sy is na veiligheid gesleep.

Sy het noodbehandeling op die toneel gekry voordat die LifeMed-ambulansdiens haar na die Mediclinic Nelspruit geneem het.

Hier het sy tientalle steke gekry om die skeurwonde te heg, het Liza Pillay, woordvoerder van die hospitaal, gesê.

Fagen het gesê sy was van kleins af ’n diereliefhebber en wou graag met wilde diere werk.

Toe sy die geleentheid kry om as vrywilliger by Moholoholo, een van die bekendste rehabilitasiesentrums in die land, te werk, het sy dit aangegryp.

Sy sou einde Julie teruggaan Kanada toe.

“Ek sal regtig graag my sessie by Moholoholo wil voltooi. Maar ek is nou ’n bietjie bang vir leeus en onseker hoe ek sal reageer as ek weer daar kom.

“Ek hoop dat ek teen dan Duma sal kan vergewe,” het sy gesê.

Brian Jones van Moholoholo het gesê hulle waarsku vrywilligers gereeld om uiters versigtig te wees omdat hulle met wilde diere werk.

Hy het gesê daar gaan nie teen Duma opgetree word nie.