04 Augustus 13:43
14°C / 15°C

Kaapstad Verander Area

Vandag


15°C / 14°C

Wind 40km/h


Reënval 14mm


Humiditeit 80%

Woensdag


16°C / 13°C

Wind 8km/h


Reënval 0mm


Humiditeit 61%

Donderdag


19°C / 12°C

Wind 6km/h


Reënval 0mm


Humiditeit 51%

Vrydag


19°C / 13°C

Wind 9km/h


Reënval 0mm


Humiditeit 57%

Saterdag


17°C / 12°C

Wind 13km/h


Reënval 0mm


Humiditeit 70%

Sondag


16°C / 12°C

Wind 37km/h


Reënval 0mm


Humiditeit 69%

Nuus

2 van SA vas weens ivoor in ‘sjokolade’

Deur Elise Tempelhoff Saterdag 20 Julie 2013 00:48

Twee Suid-Afrikaners is in Macau, China, in hegtenis geneem weens die besit van 583 stukkies olifant-ivoor wat opgesny en soos sjokoladestafies in hul bagasie verpak is.

Die Macau Daily Times het gister berig die blokkies ivoor weeg saam sowat 34 kg.

“Die twee Suid-Afrikaanse toeriste was van Hongkong afkomstig en het senuagtig gelyk toe hulle hul bagasie by die lughawe afgehaal het.”

Volgens die koerant het doeanebeamptes die mans gevra om hul tasse oop te maak.

Daarin het die beamptes 15 boksies gekry waarin sjokoladestafies soos Lunch Bars en KitKats gewoonlik verpak word.

Een van die beamptes het ’n pakkie “sjokolade” uitgehaal.

Hy het besef dit is “heelwat swaarder as sjokolade” en het dit oopgemaak.

Volgens die koerant het lede van die ondersoekburo van die Chinese departement van justisie gesê van die stafies het ’n bruin omhulsel gehad wat dit soos sjokolade laat lyk het.

“Ons het skerp instrumente gebruik om dit te probeer oopbreek, maar kon dit nie regkry nie. Ons het verskeie ander metodes sonder welslae gebruik en later besluit om dit in kookwater te week.

“Eers tóé kon ons die bruin buitelaag afskil en sien dat die inhoud spierwit en hard is.”

Mak Wum Yin, een van die doeanebeamptes, het gesê die twee mans is na die Chinese departement van justisie gebring wat oor hul lot sal besluit. Hulle het regulasies oor bedreigde spesies oortree.

Clayson Monyela, woordvoerder van die departement van internasionale betrekkinge, het gesê die mans sal waarskynlik in China verhoor word omdat daar geen uitruilooreenkoms met Suid-Afrika is nie.