04 Julie 05:19
11°C / 15°C

Kaapstad Verander Area

Vandag


15°C / 11°C

Wind 11km/h


Reënval 0mm


Humiditeit 82%

Sondag


15°C / 11°C

Wind 22km/h


Reënval 0mm


Humiditeit 84%

Maandag


15°C / 11°C

Wind 7km/h


Reënval 0mm


Humiditeit 79%

Dinsdag


14°C / 13°C

Wind 16km/h


Reënval 0mm


Humiditeit 85%

Woensdag


14°C / 12°C

Wind 12km/h


Reënval 0mm


Humiditeit 88%

Donderdag


16°C / 12°C

Wind 22km/h


Reënval 0mm


Humiditeit 77%

Nuus

Jagter in die kop geskiet

Sy dogters nog ongebore

Deur Marietie Louw-Carstens Saterdag 20 Julie 2013 00:50

JP Kleingeld (24)

Polokwane. – ’n Jong man wat oor twee maande pa word van tweelingmeisies is in ’n koma nadat hy in die kop geskiet is tydens ’n fratsongeluk op ’n jagplaas in Limpopo.

Juan-Pierre (JP) Kleingeld (24) is in die Mediclinic Limpopo se waakeenheid aan lewensondersteunende masjiene gekoppel.

Hy is verlede Vrydagoggend per ongeluk deur ’n vriend met ’n .308-jaggeweer raak geskiet.

Die skietery het in ’n bakkie tydens ’n jagtog op ’n plaas in Alldays gebeur.

Sy ma, Phyllis Kleingeld, het gister gesê: “Dit was ’n groot fratsongeluk. Sy vriende is verpletter.”

Sy en haar man, Aldré, woon in Botswana en het inderhaas na Polokwane gekom om by hul seun te wees.

JP, wat by die Venetia-diamantmyn buite Musina werk, het verlede Vrydag saam met vriende op ’n wildplaas naby Alldays gaan jag. Hy het die bakkie bestuur en sy vriende het agterop gestaan.

’n Skoot het uit een van die mans se .308-jaggeweer afgegaan. JP is in die kop getref.

Kol. Ronel Otto, polisiewoordvoerder, het gesê die polisie ondersoek nog wat presies gebeur het en waarom die skoot afgegaan het.

Phyllis het gesê haar seun se passie is jag. Hy en sy vrou, Anika, is onlangs getroud.

Hulle het al op name vir hul dogtertjies besluit: Amber en Micayla.

Anika is erg geskok en het vandeesweek op haar Facebook-blad geskryf sy bid dat haar man herstel.

“Weet net dat ek en ons twee dogtertjies jou nooit alleen sal los nie.”

Phyllis het gesê sy haat jag.

Sy het onlangs aan haar seun gesê die Here het geweet om vir hom meisietjies te gee, want as dit seuntjies was, het hy hulle al vroeg jagveld toe gevat.

“Die Here het seker geweet hy gaan hom (JP) dalk vat en hulle (die meisietjies) vir ons gee,” het sy huilend gesê.

Aldré het gesê sy seun se toestand het nog nie verbeter nie.

Hy verjaar op 29 Julie.

Istha McMillan, woordvoerder van die Mediclinic Limpopo, het gesê JP se toestand is ernstig. Hy is aan ’n asemhalingstoestel gekoppel.

Niemand is weens die skietery in hegtenis geneem nie.

Otto het gesê ’n klag van poging tot moord word ondersoek.

Die dossier sal vir beslissing na die direkteur van openbare vervolging gestuur word.