Kaapstad Verander Area

Vandag


25°C / 14°C

Wind 19km/h


Reënval 0.0mm


Humiditeit 57%

Dinsdag


24°C / 15°C

Wind 21km/h


Reënval 0.4mm


Humiditeit 67%

Woensdag


24°C / 17°C

Wind 18km/h


Reënval 0.0mm


Humiditeit 57%

Donderdag


24°C / 16°C

Wind 27km/h


Reënval 1.8mm


Humiditeit 65%

Vrydag


22°C / 16°C

Wind 33km/h


Reënval 0.4mm


Humiditeit 54%

Saterdag


26°C / 18°C

Wind 34km/h


Reënval 0.0mm


Humiditeit 48%

Nuus

‘Vertel my van SA, Afrikaans’

Jong Argentyn vra nuwe liedjies

Deur Leané Meiring Vrydag 26 Julie 2013 12:35 vm.

Enriqueta van der Merwe speel die trekklavier en sing Afrikaanse volksliedjies, al was sy nog nooit in Suid-Afrika nie. Hier speel sy in haar huis in Sarmiento, Argentinië.Foto: Stuart Graham

Nasate van die Boere-Argentyne wat in die plattelandse dorpie Sarmiento in Argentinië woon, ken net volksliedjies soos “Suikerbossie” en “Sarie Marais” en het ’n beroep op Afrikaners gedoen om vir hulle meer onlangse Afrikaanse treffers te stuur.

Dít nadat ’n seun van die dorp, Ruben Dickason, wie se ouers Afrikaans praat, nuuskierig geraak het oor sy Afrikaner-herkoms.

Stuart Graham, ’n Suid-Afrikaanse joernalis wat in Argentinië gewoon het, is eergister onkant betrap toe Dickason hom gevra het om vir die Boere-Argentyne Afrikaanse musiek te stuur.

“Hy wil meer weet van die land waar sy voorouers vandaan gekom het. Dis ’n soeke na identiteit.”

Volgens Graham praat Dickason en die res van die jonger geslag Spaans en hoor hulle eintlik net Afrikaans wanneer die oueres, nog genoem oumas en oupas, lostrek met “Sarie Marais”. Graham het ’n video van Ruben se ma, Enriqueta van der Merwe, wat uit volle bors “Sarie Marais” sing terwyl Dickason die deuntjie op sy kitaar tokkel.

Dié singery het ’n nuuskierigheid by die jong man aangewakker om meer te leer van Suid-Afrika en Afrikaans.

Graham krap egter kop oor watter musiek om te stuur en het gister Afrikaners se raad op sosiale netwerke begin vra.

“Ek wil musiek stuur waarna oud en jonk kan luister. Daar moet iets vir almal wees. Die musiek moet hulle trots maak op hul Afrikaner-herkoms.”

Voorstelle het reeds ingestroom en van die gewildstes sluit liedjies van Johannes Kerkorrel, Koos du Plessis en Jack Parow in.

Graham self oorweeg liedjies van Bles Bridges omdat hy dink Van der Merwe sal daarvan hou. Haar voorouers het in 1903 ná die Anglo-Boere-oorlog na Sarmiento in die Patagonië-streek verhuis.

Volgens Graham is dié Afrikaanssprekendes egter deur en deur Argentyns en is die Afrikanerkultuur stadig besig om saam met die ouer generasie uit te sterf “Hulle lyk soos Boere, maar die kultuur en taal is besig om weg te kwyn. Dis hartseer.”

Graham is daarom baie bly dat daar hernude belangstelling in Suid-Afrika is.

“Ruben het ook ’n Suid-Afrikaanse vlag en munte gevra. Hy ken regtig nie Suid-Afrika se geskiedenis nie. Hulle lewe in afsondering. Ek dink dis ongelooflik dat hy wil leer.”