02 Augustus 16:22
13°C / 17°C

Kaapstad Verander Area

Vandag


17°C / 13°C

Wind 39km/h


Reënval 1mm


Humiditeit 72%

Dinsdag


16°C / 13°C

Wind 33km/h


Reënval 8mm


Humiditeit 80%

Woensdag


16°C / 13°C

Wind 11km/h


Reënval 0mm


Humiditeit 74%

Donderdag


20°C / 12°C

Wind 5km/h


Reënval 0mm


Humiditeit 53%

Vrydag


18°C / 12°C

Wind 9km/h


Reënval 0mm


Humiditeit 63%

Saterdag


16°C / 12°C

Wind 25km/h


Reënval 0mm


Humiditeit 83%

Nuus

Baba dood ná houe: Ma (20) weer swanger

Deur Riata Nel Saterdag 27 Julie 2013 00:18

’n Ma wat gister in die hof verskyn het op aanklag van kindermishandeling en wie se eerste baba ’n wiegiedood gesterf het, is glo weer swanger.

Ashley Anne Jordaan en haar vriend, Trevor Viljoen, (albei 20) het gister vlugtig in die Vanderbijlpark-streekhof verskyn op aanklag van kindermishandeling ná die dood van hul tien maande oue seuntjie, Ethan Piet Viljoen, verlede jaar.

Hulle het nog nie op die aanklagte gepleit nie.

Ethan is op 2 Augustus verlede jaar in hul woonplek in Palmhof in Vanderbijlpark dood.

Luidens die lykskouingverslag het die baba beserings opgedoen wat daarop dui dat hy moontlik erg aangerand is.

Hy het twee snye van ongeveer 60 mm lank aan die kop gehad en twee vorige beserings aan die regterarm.

Ao. Kinnie Steyn, polisiewoordvoerder, het vroeër gesê die lykskouing het aangedui Ethan se dood was te wyte aan ’n aangebore hartdefek.

Die lykskouing het verder getoon hy het ernstige beserings gehad wat daarop dui dat hy vermoedelik voor sy dood gewelddadig aangerand is.

Die paartjie word aangekla van die baba se mishandeling vandat hy gebore is tot die dag van sy dood.

Die egpaar se eerste baba, ook ’n seuntjie, was ’n week oud toe hy dood is. Dit is toegeskryf aan wiegiedood.

Jordaan is glo meer as drie maande swanger.

Albei is vry op borgtog van R3 000.

Die hofverrigtinge is tot 2 September uitgestel vir verhoor.