06 Julie 04:50
11°C / 16°C

Kaapstad Verander Area

Vandag


16°C / 11°C

Wind 7km/h


Reënval 0mm


Humiditeit 72%

Dinsdag


20°C / 14°C

Wind 20km/h


Reënval 0mm


Humiditeit 69%

Woensdag


15°C / 13°C

Wind 19km/h


Reënval 0mm


Humiditeit 85%

Donderdag


16°C / 12°C

Wind 15km/h


Reënval 0mm


Humiditeit 82%

Vrydag


16°C / 13°C

Wind 9km/h


Reënval 0mm


Humiditeit 79%

Saterdag


15°C / 13°C

Wind 18km/h


Reënval 0mm


Humiditeit 90%

Nuus

Vyf vas ná moord op bejaarde man

Deur sapa Maandag 12 Augustus 2013 17:30
JOHANNESBURG. – Vyf mans is in hegtenis geneem nadat hulle glo 'n bejaarde man in Bulwer, KwaZulu-Natal, vermoor en sy lyk in die kattebak van sy motor geprop het, het die polisie Maandag gesê.
Die 81-jarige Michael John Poval is Sondag om 23:30 deur familielede gevind. Hy het 'n oop wond op sy rug gehad.
"Die slagoffer, wat alleen gewoon het, is vermoedelik deur 'n groep verdagtes by sy huis gekonfronteer, waarna hy gesteek en sy lyk in die kattebak van sy motor gesit is," het Thulani Zwane, polisiewoordvoerder, in 'n verklaring gesê.
Die aanvallers het gevlug met die slagoffer se geldboks en sy ander motor.
Die lyk is Sondag gevind gevind nadat 'n vriendin, wat Saterdag vir hom kos afgelewer het, gesien het die huis se deur is oop, maar sy Poval nooit gesien het nie.
"Toe sy Sondag na die huis terugkeer, het sy gesien die deur is steeds oop en die kos is op dieselfde plek waar sy dit gelos het. Sy het Poval se familielede gekontak en hulle het sy lyk in die kattebak van sy motor gevind," het Zwane gesê.
Polisiebeamptes het later die gesteelde wit Volkswagen Jetta in die Edendale-hoofweg gesien en die voertuig agternagesit.
Die verdagtes, tussen die ouderdomme van 17 en 35, is in hegtenis geneem en verskyn binnekort op aanklagte van moord en roof in die hof.