Kaapstad Verander Area

Vandag


22°C / 12°C

Wind 31km/h


Reënval 0.0mm


Humiditeit 64%

Donderdag


26°C / 13°C

Wind 20km/h


Reënval 0.0mm


Humiditeit 38%

Vrydag


29°C / 14°C

Wind 15km/h


Reënval 0.0mm


Humiditeit 29%

Saterdag


24°C / 15°C

Wind 16km/h


Reënval 0.0mm


Humiditeit 56%

Sondag


24°C / 13°C

Wind 25km/h


Reënval 0.0mm


Humiditeit 53%

Maandag


26°C / 14°C

Wind 23km/h


Reënval 0.0mm


Humiditeit 44%

Nuus

Sy sal Pippie se boetie mis

‘Ek voel meer soos sy ma’ – ouma

Deur Lourensa Eckard Dinsdag 13 Augustus 2013 20:23

JOHANNESBURG. – “Ek voel meer soos Arno se ma as sy ouma.”

So het Loesje Barnard, Pippie Kruger se ouma, gister oor die vierjarige brandslagoffertjie se boetie, Arno (2), gesê.

Sedert Oujaarsaand in 2011, toe Pippie 80% derdegraadse brandwonde oor haar lyf opgedoen het toe ’n vuuraansteekmiddel op haar beland en ontplof het, woon Arno by Barnard.

“Hy was maar ses maande oud toe dit gebeur het, so ek moes hom grootmaak,” het Barnard gister op die bekendstelling van die boek Pippie, geskryf deur Colleen Naudé en Pippie se ma, Anice, in Sandton gesê.

Barnard het gesê sy gaan hom mis as Anice en Pippie volgende maand terug Lephalale (Ellisras) toe trek.

“Ek sal dit alles weer doen. Arno voel nou soos my eie kind.”

Pippie se pa, Erwin, en haar oupas en oumas het ook gister die bekendstelling bygewoon.

“Ek kan steeds Pippie se gesig sien brand en ek sal dit seker nooit kan vergeet nie,” het Erwin gesê. Hy verwerk steeds die trauma van daardie aand.

Dr. Ridwan Mia, die plastiese chirurg wat gekweekte vel op Pippie oorgeplant het, het vertel hoe emosioneel hy gedurende die proses was.

“Ek het so wetenskaplik as moontlik met Anice en Erwin gepraat, want as ’n dokter kon ek nie wys hoe emosioneel ek eintlik was nie.”

Mia het sterk uitgevaar teen diegene wat sê Pippie se veloorplanting, wat sowat R240 000 gekos het, was buitensporig.

“As ’n dokter moet jy die beste vir jou pasiënt doen. Ja, daar was goedkoper opsies, maar dit was nie die beste vir Pippie nie. Jy gaan mos nie vir Madiba by die Chris Hani-Baragwanath-hospitaal behandel net omdat dit goedkoper is nie?”

Daar was volgens Mia ook verskeie dokters wat gesê het die baanbrekerswerk wat met die veloorplanting gedoen is, is tevergeefs.

“Sommige dokters het gesê ons is net besig om ’n stuk vleis te behandel.”

Die oomblik toe hy Pippie die eerste keer sien, was verskriklik, het Mia gesê.

“Die vuuraansteekmiddel was steeds brandend aan haar vel, sy was baie geswel, van haar spiere en vetweefsel was so erg gebrand dat ’n mens sommige van haar ribbebene kon sien.”