Kaapstad Verander Area

Vandag


29°C / 16°C

Wind 34km/h


Reënval 0.0mm


Humiditeit 34%

Maandag


33°C / 18°C

Wind 21km/h


Reënval 0.0mm


Humiditeit 27%

Dinsdag


28°C / 19°C

Wind 30km/h


Reënval 0.0mm


Humiditeit 53%

Woensdag


26°C / 17°C

Wind 39km/h


Reënval 0.0mm


Humiditeit 56%

Donderdag


31°C / 17°C

Wind 28km/h


Reënval 0.0mm


Humiditeit 43%

Vrydag


30°C / 17°C

Wind 21km/h


Reënval 0.0mm


Humiditeit 46%

Nuus

Sky News-kameraman sterf in Egipte

Woensdag 14 Augustus 2013 15:29
LONDEN. - ’n Kameraman van Sky News is Woensdagoggend in Egipte doodgeskiet toe die polisie betogers in die hoofstad, Kaïro, uiteengejaag het, het dié nuuskanaal berig.
Mick Deane het 15 jaar vir Sky gewerk en was eers in Washington en toe in Jerusalem gestasioneer.
Hy was deel van Sky se nuusspan wat die geweld in Kaïro gedek het. 
Die res van die groep is nie beseer nie.
Minstens 43 mense is in Woensdag se geweld dood toe die polisie betogers wat hul steun aan pres. Mohamed Moersi toesê, uiteengejaag het.
’n Korrespondent van die nuusagentskap AFP het die lyke in ’n tydelike lykhuis by die Rabaa al-Adawiya-kamp in Kaïro, Egipte, getel en gesê die slagoffers het waarskynlik aan skietwonde beswyk.
 
Die korrespondent sê daar is geen vroue of kinders onder die oorledenes nie. 
Moersi is verlede maand in ’n staatsgreep ontsetel nadat grootskaalse betogings teen sy bewind gehou is. 
Sy omverwerping het tot hernieude geweld gelei, wat reeds talle sterftes tot gevolg gehad het. Hy is sedertdien nie in die openbaar gesien nie.