Kaapstad Verander Area

Vandag


22°C / 14°C

Wind 21km/h


Reënval 11.0mm


Humiditeit 73%

Vrydag


23°C / 16°C

Wind 20km/h


Reënval 0.1mm


Humiditeit 66%

Saterdag


25°C / 17°C

Wind 23km/h


Reënval 0.0mm


Humiditeit 58%

Sondag


27°C / 17°C

Wind 15km/h


Reënval 0.0mm


Humiditeit 62%

Maandag


23°C / 16°C

Wind 31km/h


Reënval 0.0mm


Humiditeit 64%

Dinsdag


24°C / 16°C

Wind 38km/h


Reënval 0.0mm


Humiditeit 59%

Nuusflitse
Brit onder 5 wat sterf in Afganistan-bomaanval Man gevonnis vir dubbele moord in Beaufort-Wes Mandela se dood in Desember herdenk Lewe glo te moeilik: 98-jarige skiet homself en vrou Skoon oudit vir Gautrein Nog swaar reën vir Gauteng voorspel Burgermeestersdrama in Mokopane: SAPD ontplooi Kapenaar moor glo gewese vrou in Nieu-Seeland Wladimir Poetin se bankier deur interpol gesoek Dominee spontaan toegejuig toe kerk se ligte aangaan Grapjas se optrede het Steve Hofmeyr diep seergemaak Jacob Zuma se mond gesnoer toe hy oor ANC wou praat China: 26 sterf in brand by steenkoolmyn IS ‘mees brutale bedreiging nog’ – Angela Merkel Steve Hofmeyr: Konsert glo R5 miljoen kwyt Man urineer in vliegtuig se gang Grypdief laat spaander met handsak, R5 000 Opgekapte lyk in Kampsbaai gevind Gedwonge verhuising staar advokate in die gesig Man ontevrede oor vroue-universiteite Seun kan nie matriek voltooi weens aanranding Boksombende help vir Blikkies met heupvervangings 'Eenhoring' kry groot belangstelling Munisipale Eskom-skuld buite beheer Eerste Italianer met Ebola ‘is stabiel’ Vermeende kaper geskiet, gewond Bomaanvalle in Nigerië eis minstens 45 Woonstelgebou stort ineen - 10 dood Pta-man skiet homself EFF-tugverslag dalk oorweeg Polisieman vas wat bewysstukke in barrakke bêre Kiesers begin stem in die Himalayas Hof bevind man is dalk ná dekades in tronk onskuldig Ferguson: Geweldpleging ná jurie besluit om polisieman nie te vervolg Don Steenkamp word weg van ander jeugdiges aangehou Julius Malema en wag in onderonsie
Nuus

Liefde waai in speelgoedman vas

Vrydag 16 Augustus 2013 10:28 vm.

Driekie Pieterse (61) lag vir een van Hendrik Trollip (58) se grappies terwyl hulle handjies vashou. Foto: André Damons

Op ’n dag van drama en woede het ’n Bloemfonteinse speelgoedmaker geluk by die ongeluk gekry toe hy hom in sy nuwe liefde vasgeloop het.
Die ongeluk het Hendrik Trollip (58), wat houtspeelgoed maak en verkoop, onlangs wéér getref toe sy selfoon uit sy bakkie voor die Spar in Bayswater gesteel is.
Hy was “bedonderd en blind van die woede” toe hy die winkel wil binnegaan om na die beeldmateriaal van die kringtelevisiekameras te kyk.
Toe loop hy hom vas in Driekie Pieterse (61). Die wind het daardie dag erg gewaai, sê hy.
Volgens Pieterse, ’n pensioentrekker en tydelike motorwag, was dit liefde met die eerste oogopslag.
Sy glimlag breed as sy oor die ontmoeting en Trollip praat.
“Dit was asof die wind ons vas teen mekaar gewaai het. Toe kyk ek in sy bruin oë en is dadelik verlief.”
Hoewel Trollip, wat verlede jaar drie maande lank in sy bakkie moes bly, steeds ’n bietjie skaam is, twyfel Pieterse nie dat hulle vir mekaar gemaak is nie.
Hy het steeds tyd gehad om Pieterse vir haar nommer te vra hoewel sy selfoon gesteel is en hy op pad was polisiekantoor toe om die diefstal aan te meld.
“Ek was bedonderd oor my selfoon wat gesteel is en in al die drama loop ek toe in haar vas.
“Toe vra ek sommer haar nommer, maar sy gee my nog die verkeerde nommer ook. Toe is ek eers bedonderd.”
Pieterse glimlag half skaam oor haar blaps daardie dag.
Trollip is alles wat sy in ’n man wil hê, sê sy.
“Ek het twee van die nommers omgeruil en toe hy my bel, toe kom hy by iemand anders uit. Hy was baie kwaad,” lag sy.
“Hy is snaaks en hardwerkend en het mooi bruin oë. Ek het hom altyd daar gesien waar hy sy speelgoed verkoop. Hy maak sulke mooi speelgoed en het vir my ’n hart ook gemaak.”
Trollip se drie honde, wat hul baas streng oppas, het Pieterse ook aanvaar.
Die twee kuier nog oor en weer en daar is nog nie sprake van trou nie.
Trollip was verlede jaar so te sê op straat nadat die ou Ramkraal-tronk waar hy gewerk en gebly het, afgebreek is.
Byna al sy gereedskap en voorraad is gebuit en hy moes van vooraf begin bou.
Talle lesers van Volksblad, Beeld se susterskoerant, het gereedskap en hout geskenk om hom te help.