02 September 10:33
12°C / 16°C

Kaapstad Verander Area

Vandag


16°C / 12°C

Wind 30km/h


Reënval 0mm


Humiditeit 68%

Donderdag


18°C / 12°C

Wind 10km/h


Reënval 0mm


Humiditeit 69%

Vrydag


18°C / 13°C

Wind 11km/h


Reënval 0mm


Humiditeit 66%

Saterdag


22°C / 14°C

Wind 14km/h


Reënval 0mm


Humiditeit 56%

Sondag


21°C / 15°C

Wind 31km/h


Reënval 0mm


Humiditeit 63%

Maandag


16°C / 13°C

Wind 28km/h


Reënval 9mm


Humiditeit 89%

Nuus

'Nóg klagte teen Oscar'

Vrydag 16 Augustus 2013 11:39

Oscar Pistorius tydens 'n vorige hofverskyning. Foto: Herman Verwey

Oscar Pistorius, wat Maandag weer in die hof moet verskyn in verband met die skietdood van sy vriendin, Reeva Steenkamp, word deur twee bykomende klagte in die gesig gestaar, berig eNCA.
Volgens dié uitsaaier is twee klagte van die roekelose afvuur van 'n vuurwapen in 'n openbare plek by die klagstaat gevoeg.
Een van die voorvalle het glo by Tashas-restaurant in Melrose Arch plaasgevind en die ander toe Pistorius saam met sy vriend Darren Fresco en voormalige meisie Samantha Taylor in 'n motor deur die metropolisie afgetrek is. 
Daar was na bewering 'n onderonsie met die polisie en Pistorius-hulle het weggejaag. Hy het glo'n skoot deur die voertuig se sondak afgevuur.
Bulelwa Makeke, woordvoerder van die nasionale vervolgingsgesag (NVG), het vroeër gesê daar word nog aan die akte gewerk en Maandag, wanneer Pistorius weer in die Pretoriase landdroshof moet verskyn, sal klarigheid hieroor verstrek word. 
Die proses om die saak na die hooggeregshof in die stad te verskuif, is aan die gang, het sy gesê.
Pistorius sal moontlik vroeg volgende jaar in die hooggeregshof verhoor word.
Lt.genl. Solomon Makgale, nasionale polisiewoordvoerder, het Dinsdag bevestig die polisie se ondersoek is afgehandel en dat daar Maandag op ’n verhoordatum besluit sal word.