Kaapstad Verander Area

Vandag


22°C / 15°C

Wind 32km/h


Reënval 0.2mm


Humiditeit 69%

Vrydag


24°C / 15°C

Wind 37km/h


Reënval 0.0mm


Humiditeit 61%

Saterdag


25°C / 14°C

Wind 37km/h


Reënval 0.0mm


Humiditeit 50%

Sondag


28°C / 16°C

Wind 22km/h


Reënval 0.0mm


Humiditeit 43%

Maandag


24°C / 16°C

Wind 31km/h


Reënval 0.0mm


Humiditeit 67%

Dinsdag


24°C / 16°C

Wind 39km/h


Reënval 0.0mm


Humiditeit 61%

Nuusflitse
‘Fotobom bom Collins-woordeboek’ Japanse staatslui gebruik departementsgeld in seksklub Rowers blaas kitsbank op, vlug met geld Vry word op Zimbabwe-kampus verbied KZN: Vrou sterf in tref-en-trap-ongeluk Oscar: Belastingbetalers gaan opdok OB benodig R64 miljoen Gat in staat se sak kan tot hoër belasting lei Mthembu steeds in intensiewe sorg – ANC Man tronk toe wat stiefdogter verkrag Nene: Staat se gordel sal styf ingetrek word Man sterf toe hy van afleweringsvoertuig val Senzo Mchunu se vrou moet uit pos bedank - IVP Snik, gemmerkoekies word geslagloos Indonesië onderskep Australiese vliegtuig Duitsland stuur tieners terug wat glo by IS wou aan sluit KZN-mans lank tronk toe vir verkragting Kerkramp: Suid-Afrikaners se lyke steeds nie terug nie Heyns-moordsaak: Broer gaan dalk teen broer getuig SOE: Wil nie Nkandla-eis instel teen Jacob Zuma Oscar Pistorius: Eerste dag in die tronk Bloemfonteiners is ongesond, Kapenaars gesond Joodse mans ontevrede oor vroue-advertensies 5 jaar vir Pistorius Wraak-porno: Facebook moet IP-adresse verskaf Neusselle laat verlamde man wéér loop Oscar se beproewing sal nóóit verby wees nie - Aimée Bejaarde egpaar al vier keer beroof Oscar de la Renta sterf Weduwee onthul hoe PW nee sê vir staatshulp Panda's gee bewaarder grys hare Vier mans vas ná suuraanvalle op vroue Seun kritiek ná partytjie-verkragting WGO verklaar Nigerië Ebola-vry Britse toeristemoord: Verdagtes glo fisiek mishandel Japan: Twee vroueministers bedank weens korrupsie Indiese marathon ontaard in klug China skenk voedsel vir Ebola-lande Somerset-Wes: Vroue-rower skiet wag JZ: Waarom kritiek oor Nkandla - wat van PW? Texas: Ebola-personeel hoor vandag
Nuus

Regstel-aksie ‘tref swartes ergste’

Deur Sarel van der Walt Vrydag 16 Augustus 2013 2:20 vm.

Pik Botha en Rabelani Dagada, ’n ontwikkelingsekonoom, tydens die debat oor regstellende aksie. Foto: Herman Verwey

Swart mense in Suid-Afrika betaal nou ’n hoër prys vir regstellende aksie as wit mense, sê Pik Botha.

Botha (81) het gister in Pretoria in ’n debat van Solidariteit oor regstellende aksie gesê swart mense betaal onder die huidige beleid, “wat op ras gegrond is” die prys, terwyl wit mense nog relatief goed daaraan toe is.

“Dit is die swart mense met die swak onderwys, dit is die swart pasiënte wat jare lank in hospitale moet wag en dit is swart kinders wat nie ingenieurs kan word nie omdat hulle nie behoorlik opgelei is in ’n waardevolle onderwysstelsel nie.”

Die voormalige minister van buitelandse sake het gesê in die destydse Kodesa-onderhandelinge in Kempton Park is daar nooit ooreengekom dat regstellende aksie op grond van die rassedemografie moet geskied nie. Die ou NP-regering sou nie daartoe ingestem het nie. Daar is wel destyds gepraat oor die behoefte aan onderwys, opleiding en vaardighede.

Botha het gesê hy en oudpres. FW de Klerk het al briewe aan die ANC (oudpres. Thabo Mbeki en Gwede Mantashe, sekretaris-generaal) geskryf waarin hulle gewaarsku het dié verbreek die Kodesa-ooreenkoms. Hulle het nie antwoorde ontvang nie.

Volgens Botha het die tyd aangebreek vir ’n “nuwe Kodesa” waarin “die gees van 1994” kan herleef.

Die onderhandelaars wat in die vroeë 1990’s by Kodesa betrokke was, moet weer byeengebring word.

“Almal van ons moet weer om die tafel gaan sit en vir mekaar sê wat dit is wat ons in 1994 besluit het,” het Botha gesê.

Volgens hom het Nelson Mandela toe hy nog president was verskeie kere aan hom gesê hy hoop nie die land verloor die wit mense se vaardighede nie.

“Hy het aan my gesê: ‘Hulle moenie die staatsdiens verlaat nie, hulle moet ons help met die opleiding van swart mense om dieselfde vaardighede as die wit mense te hê.’

“Hy was bekommerd dat wit vaardighede (in die staatsdiens) sou padgee na die private sektor, emigreer of uitgedryf word,” het Botha gesê.

“Wat die regering nou doen, is die teenoorgestelde.”

Dr. Dirk Hermann, uitvoerende hoof van Solidariteit, het by dieselfde geleentheid sy nuwe boek, Regstellende trane, bekend gestel en gesê dit het tyd geword vir ’n nuwe nasionale dialoog oor regstellende aksie.

...

‘Ek was nog nooit lid van die ANC’

Pik Botha het gister ontken hy was in enige stadium ’n ANC-lid.

Die oudminister het op ’n byeenkoms van Solidariteit in Pretoria gesê hy het wel vroeër met die ANC se makro-ekonomiese beleid saamgestem.

Botha het so geantwoord nadat hy gevra is hoekom hy as ANC-lid nie die bestaande strukture gebruik as hy ontevrede is met regeringsbeleid nie.

“Ek is in 1996 uit die Nuwe Nasionale Party nadat (FW) De Klerk besluit het om aan die regering van nasionale eenheid te onttrek.

“Nadat ek weg is, het ek tot siens gesê aan die politiek. Ek het daarna by geen ander party aangesluit nie,” het Botha gesê.

Toe hy gevra is of hy dan nooit by die ANC aangesluit het soos beweer is nie, het hy dit ontken. “Nooit, nooit een oomblik het ek by die ANC aangesluit nie.

“Gaan vra die ANC. Hulle het mos inligting. Jy sal dit (’n bewys van lidmaatskap) nooit kry nie, want dit het nooit gebeur nie.

“Wat gebeur het, is dat ek by geleentheid in openbare verklarings die makro-ekonomiese beleid van die ANC gesteun het omdat ons (die land) toe vooruitgang gemaak het wat makro-ekonomiese en finansiële beleid betref.

“Dit beteken nie dat ek ooit ’n lid was nie,” het die 81-jarige oudminister gesê.

– Sarel van der Walt