07 Julie 17:23
13°C / 16°C

Kaapstad Verander Area

Vandag


16°C / 13°C

Wind 13km/h


Reënval 0mm


Humiditeit 86%

Donderdag


16°C / 13°C

Wind 13km/h


Reënval 0mm


Humiditeit 81%

Vrydag


17°C / 13°C

Wind 7km/h


Reënval 0mm


Humiditeit 78%

Saterdag


15°C / 13°C

Wind 33km/h


Reënval 12mm


Humiditeit 88%

Sondag


14°C / 11°C

Wind 31km/h


Reënval 6mm


Humiditeit 72%

Maandag


13°C / 9°C

Wind 24km/h


Reënval 0mm


Humiditeit 65%

Nuus

‘Tshwane wys só apartheid is oorwin’

Deur Cobus Claassen Vrydag 16 Augustus 2013 02:23

Ons móés Munitoria inplof sodat dit kan wys apartheid is verslaan, het Kgosientso Ramokgopa, uitvoerende burgemeester van Tshwane, gister gesê.

Ramokgopa het by die Pretoriase Dieretuin waar die Tshwane-metro nuwe brandweerwaens en ambulanse in ontvangs geneem het, gesê die munisipaliteit herbou die hoofstad vinnig. “Dit is daarom gepas dat ’n apartheidsimbool soos Munitoria verdwyn het. Dit sou verkeerd gewees het om die gebou te behou.”

Hy het verwys na talle projekte wat Tshwane die laaste ruk begin het, soos die Tshepo 10 000-werkskeppingsinisiatief en die West Capital-ontwikkeling.

“Daar is landwyd geen ander munisipaliteit wat beter dienste lewer nie. Die nooddiensvoertuie is ’n geskenk aan Tshwane se inwoners en onderstreep dat ons ’n stad is wat uitnemendheid nastreef.”

Tshwane het gister vyf nuwe watertenkers, drie brandweerwaens en 22 ambulanse in ontvangs geneem.

Die munisipaliteit se nooddienste-departement het in die 2011-’12-boekjaar begin met ’n kapitale projek wat alle ou watertenkers en brandweerwaens wil vervang.

Die nuwe voertuie is teen R29,5 miljoen aangekoop. Die brandweerwaens sal in al sewe diensleweringstreke ingespan word en die watertenkers meestal in landelike gebiede.

Terence Mashego, Tshwane-burgemeesterskomiteelid vir gemeenskapsveiligheid, het gesê die metro wil met die nuwe ambulanse reaksietye verbeter. “Daar is geen rede waarom ons in koerante moet beland oor mense wat vergeefs op ambulanse gewag het nie.”