31 Augustus 10:50
14°C / 15°C

Kaapstad Verander Area

Vandag


15°C / 14°C

Wind 41km/h


Reënval 11mm


Humiditeit 89%

Dinsdag


16°C / 13°C

Wind 36km/h


Reënval 0mm


Humiditeit 73%

Woensdag


17°C / 12°C

Wind 20km/h


Reënval 0mm


Humiditeit 70%

Donderdag


19°C / 12°C

Wind 19km/h


Reënval 0mm


Humiditeit 64%

Vrydag


19°C / 13°C

Wind 12km/h


Reënval 0mm


Humiditeit 61%

Saterdag


22°C / 14°C

Wind 16km/h


Reënval 0mm


Humiditeit 51%

Nuus

Vagina, ’n gil en ’n lag wat tart

Deur Lourensa Eckard Maandag 26 Augustus 2013 23:10

Die kunstenaar Reshma Chhiba se installasie van ’n reuse-vagina waardeur mense kan stap. Foto: Nelius Rademan

’n Simbool van mag, krag en opstand.

Dit is wat die reuse-inloop-vagina wat tans op Konstitusieheuwel in Johannesburg te sien is vir die kunstenaar Reshma Chhiba voorstel.

Dit het sewe dae geduur om dié vagina te bou wat hoofsaaklik uit lap en wol bestaan. Dit is deel van die uitstalling “The Two Talking Yonis” by die ou vrouegevangenis op Konstitusieheuwel.

“Yoni” is die Hindi-woord vir “vulva”.

“Mense wat ongemaklik voel daaroor is gewoonlik in ’n patriargale samelewing grootgemaak. Hoekom moet ’n vagina iets wees waarvoor mense gril of voor skaam kry?” het Chhiba gesê.

Mans is nie ongemaklik oor hul penisse nie, maar vroue is soms oor hul vaginas, het Chhiba gesê.

Voordat jy die reuse-vagina, wat sowat 12 m lank is, mag instap, word jy gevra om jou skoene uit te trek.

“Die vagina is heilig en deur jou skoene uit te trek, toon jy die nodige respek,” het Chhiba gesê.

Aan die einde van die tonnel is ’n selfportret van Chhiba wat haar tong uitsteek en as die Hindoe-godin Kali, die godin van verwoesting, uitgebeeld word.

Vir baie Hindoes verteenwoordig Kali net dood en verwoesting, maar vir Chhiba verteenwoordig hierdie godin vroulikheid in sy natuurlikste vorm.

Dan en wan kan ’n gil gehoor word, gevolg deur ’n tartende lag.

“Kali het voordat sy oorlog toe is altyd gegil. Dit was ’n gil wat die aarde geskud het. Daarna het sy gelag om haar vyande te tart.”

Chhiba het gesê die Hindoe- gemeenskap het haar werk erg gekritiseer.

“Daar is aan my gesê ek laster deur die vagina te gebruik en dit aan geloof te koppel. Ek probeer kommentaar lewer op patriargie sodat vroue hulself kan bemagtig. Dit is nie lasterlik nie.”

Mans wat deur die vagina-installasie loop, voel dalk veral ongemaklik en magteloos, het Chhiba gesê.

“Sodra jy in die vagina-installasie is, kan jy nêrens heen gaan nie. Ek hoop dit kan dialoog oor stereotipes van geslag, seksualiteit en geslagsrolle aan die gang kry.”