Kaapstad Verander Area

Vandag


25°C / 15°C

Wind 35km/h


Reënval 0.0mm


Humiditeit 54%

Sondag


28°C / 17°C

Wind 24km/h


Reënval 0.0mm


Humiditeit 46%

Maandag


27°C / 16°C

Wind 27km/h


Reënval 0.0mm


Humiditeit 78%

Dinsdag


25°C / 17°C

Wind 28km/h


Reënval 0.0mm


Humiditeit 63%

Woensdag


24°C / 16°C

Wind 19km/h


Reënval 0.0mm


Humiditeit 67%

Donderdag


25°C / 16°C

Wind 16km/h


Reënval 0.0mm


Humiditeit 65%

Nuusflitse
Iran hang vrou wat vermeende verkragter vermoor Winter gaan swaar wees in Oekraïne, waarsku VN TB Joshua skenk begrafnisgeld TLC haal Honey Boo Boo van die lug Tweejarige sterf in Mali weens Ebola Twee vas ná Kagiso-rooftog Busongeluk in Nepal eis 14 Wapendepot van IS in Irak vernietig Polisie in New York met 'n byl aangeval Dokter vas nadat vrou op operasietafel sterf Ebola laat gesondheidswerker na Ivoorkus vlug Gasontploffing in Pole eis drie gesinslede Ebola: Japan se Clever-maatskappy skenk ‘slim’ gesigsmaskers Indië beskerm vlermuise teen vuurwerk Plaasaanval: Seun hardloop 3 km om hulp te soek Derek Swemmer verlaat Kovsies Kernkrag: SA en Rusland ontmoet in Drakensberge ‘Fotobom bom Collins-woordeboek’ Japanse staatslui gebruik departementsgeld in seksklub Rowers blaas kitsbank op, vlug met geld Vry word op Zimbabwe-kampus verbied KZN: Vrou sterf in tref-en-trap-ongeluk Oscar: Belastingbetalers gaan opdok OB benodig R64 miljoen Gat in staat se sak kan tot hoër belasting lei Senzo Mchunu se vrou moet uit pos bedank - IVP Snik, gemmerkoekies word geslagloos Indonesië onderskep Australiese vliegtuig Duitsland stuur tieners terug wat glo by IS wou aan sluit KZN-mans lank tronk toe vir verkragting Kerkramp: Suid-Afrikaners se lyke steeds nie terug nie Heyns-moordsaak: Broer gaan dalk teen broer getuig SOE: Wil nie Nkandla-eis instel teen Jacob Zuma Oscar Pistorius: Eerste dag in die tronk
Nuus

Dit sneeu op Tafelberg

Water waar jy kyk

Nóg erge koue op pad

Deur Malherbe Nienaber Vrydag 30 Augustus 2013 4:22 vm.

KAAPSTAD. – Die week se swaar reën het gister sy tol op Kaapse paaie geëis en vandag lê moontlike donderbuie en erge koue voor.

Behalwe dat dit nóg gaan reën en waarskynlik op die hoë pieke gaan sneeu, styg die kwik op min plekke in die provinsie vandag bo 13 °C. Die son maak eers Sondag net ’n vinnige gasverskyning voordat die reën Maandag voortduur.

Die grond is reeds deurnat en reënwater het van talle paaie riviere gemaak.

Die N2 in die rigting van die stad by Baden Powellweg en die oprit na Spineweg is gister weens oorstroming gesluit. Die N2 by Baden Powellweg is 'n rukkie gelede weer oopgestel vir verkeer. 

Richard Coleman, woordvoerder van Kaapstad se verkeersdiens, het gesê die stuk pad kan tot ná vanoggend se spitsverkeer gesluit bly.

Die Chapmanspiek-pad is ook gesluit en Coleman het gesê dit is nog onbekend wanneer dit weer oopgestel sal word.

Die verkeer is na Old Faureweg herlei.

Die Franschhoekpas is ook toe weens rotsstortings en sal na verwagting Maandag vir verkeer oopgestel word, berig Malani Venter.

Die treinspore tussen Vlottenburg en Lynedoch was onder water en ’n pendelbus was tussen dié stasies beskikbaar.

Die treine sal na verwagting vanoggend weer loop.

Motoriste moes ook van alternatiewe roetes gebruik maak nadat die Vlottenburgpad en die R310 buite Stellenbosch gesluit is toe ’n plaasdam in die omgewing oorgeloop het.

Oorstromings het ook veroorsaak dat die Primêre Skool Vlottenburg om 09:30 gesluit is en pasiënte van die Mediclinic Vergelegen op Somerset-Wes ontruim is.

Die lyk van ’n hawelose man (53) is gisteroggend vroeg uit ’n grot in Houtbaai gehaal nadat die grot se dak glo ingestort het weens die nat grond. Richard Roberts berig die omstandighede rondom die man se dood word ondersoek.

’n Tweede hawelose man van Kuilsrivier is Woensdag in die Tygerberg-hospitaal dood, berig Maygene de Wee. Hy en nóg ’n hawelose man is dood nadat hulle buite winkels in Van Riebeeckweg geslaap het.

Die nooddienste het lae liggaamstemperature by albei mans gemeet, maar die oorsaak van die sterftes moet nog bepaal word.

Rian Smit, weervoorspeller by die Kaapse weerkantoor, het gesê nog reënbuie word vir vandag voorspel en moontlike donderbuie word in die Suid-Kaap, Boland en Overberg verwag.

Volgens Smit word enkele reënbuie en bewolkte weer vir môre verwag en sal dit Sondag so voortduur.

“Nog ’n frontale stelsel sal die Kaap na verwagting Maandagaand tref,” het hy gesê.

Sneeu het vanoggend vroeg op Tafelberg begin val.  

Die Bergrivier se vlakke het intussen “noemenswaardig” gesak, het Janine Bauer van die Kaapse Wynland-distriksmunisipaliteit gesê.

Die rivier het glo gesak tot op ’n vlak waar dit binne sy banke bly.

“Ons is in kennis gestel dat die vloedwater ons gebied verlaat het en na die Laer-Bergrivier beweeg,” het Bauer bygevoeg.

.