04 Augustus 13:45
14°C / 15°C

Kaapstad Verander Area

Vandag


15°C / 14°C

Wind 40km/h


Reënval 14mm


Humiditeit 80%

Woensdag


16°C / 13°C

Wind 8km/h


Reënval 0mm


Humiditeit 61%

Donderdag


19°C / 12°C

Wind 6km/h


Reënval 0mm


Humiditeit 51%

Vrydag


19°C / 13°C

Wind 9km/h


Reënval 0mm


Humiditeit 57%

Saterdag


17°C / 12°C

Wind 13km/h


Reënval 0mm


Humiditeit 70%

Sondag


16°C / 12°C

Wind 37km/h


Reënval 0mm


Humiditeit 69%

Nuus

Gautengse bloulig-verdagte se turf sit

Deur Pauli van Wyk Saterdag 31 Augustus 2013 00:08

Ashley Vermaak

’n Vermeende boef wat homself as ’n polisieman voorgedoen het en met verskeie misdade in Gauteng verbind word, is aan die OosRand aangekeer.

Ashley Vermaak (26), wat saam met sy ma in ’n kamer in ’n huurhuis aan die OosRand woon, het gister in die Randburgse landdroshof verskyn nadat hy Woensdag om 03:20 in Elsburg, Germiston, vasgetrek is.

Beeld verneem Vermaak word voorlopig met drie voorvalle in Douglasdale in Johannesburg, twee in Edenvale en een in Brackendowns in Alberton verbind.

In polisieklere en saam met vier makkers het Vermaak op 4 Augustus by die Indaba-hotel in Fourways ingestap, die gaste met vuurwapens aangehou en met R1 400 kontant, tablet-rekenaars en selfone ter waarde van R30 000 gevlug, het ao. Balan Muthan, polisiewoordvoerder, gister gesê.

Die groep het ’n swart Volvo gery.

Vermaak word ook verbind met ’n voorval tien dae later in Edenvale waar ’n vrou se motor van die pad gedwing is deur ’n swart Golf.

Sy is aangerand en beroof en beweer haar aanvallers het koeëlvaste baadjies en vuurwapens gedra en in ’n gemerkte polisiemotor met sirenes gery – ’n metode wat blykbaar deurgaans gebruik word in misdade waarmee die polisie Vermaak verbind.

In dieselfde maand wat die polisie Vermaak op kringtelevisie kon uitken, is hy aangekeer.

“Speurders van Tembisa het Vermaak gearresteer nadat die Douglasdale-polisie sy besonderhede rondgestuur het,” het Muthan gesê.

Die polisie volg inligting op om Vermaak se makkers aan te keer.

Indien enigiemand Vermaak herken of verdere inligting het, skakel kol. Emil Louw by 082 778 7906 of brig. Neville Malila by 082 411 4030.