Kaapstad Verander Area

Vandag


23°C / 16°C

Wind 27km/h


Reënval 0.4mm


Humiditeit 75%

Maandag


25°C / 16°C

Wind 32km/h


Reënval 0.0mm


Humiditeit 58%

Dinsdag


29°C / 17°C

Wind 24km/h


Reënval 0.0mm


Humiditeit 46%

Woensdag


22°C / 16°C

Wind 41km/h


Reënval 12.9mm


Humiditeit 72%

Donderdag


22°C / 15°C

Wind 19km/h


Reënval 5.5mm


Humiditeit 66%

Vrydag


22°C / 15°C

Wind 24km/h


Reënval 0.0mm


Humiditeit 63%

Nuus

Boer sterf in sy vrou se arms

Deur Riata Nel Maandag 02 September 2013 12:10 vm.

’n 67-jarige boer van Waterval-Boven is Vrydagaand in die arms van sy vrou dood kort nadat hy in sy plaashuis geskiet is.

Garth Johnson het omstreeks 18:00 by die huis op sy plaas, Ntsinini, ingestap toe hy by die kombuisdeur geskiet is.

Na verneem word, is twee 9 mm- pistooldoppies buite die huis gekry.

Sy vrou was elders in die huis en het na die kombuis gehardloop, waar sy haar man in ’n plas bloed gekry het. Sy het by hom gehurk en hom vasgehou, waar hy dood is.

Kol. Leonard Hlathi, provinsiale polisiewoordvoerder, het gistermiddag gesê die moordenaars het niks gesteel nie.

Die polisie ondersoek die moontlikheid dat dit ’n wraakaanval was.

Volgens ’n boer van die omgewing was Johnson verlede week in ’n vergadering met die nuwe eienaars van ’n plaas wat hy in ’n grondeis verloor het. ’n Warm gesprek het gevolg, waarna Johnson gedreig is.

Johnson het glo gekla oor die mense wat op die stuk grond plak.

Enigiemand met inligting word versoek om konst. Aubrey Khoza te bel by 076 171 1643.