Kaapstad Verander Area

Vandag


27°C / 17°C

Wind 19km/h


Reënval 0.0mm


Humiditeit 56%

Maandag


26°C / 17°C

Wind 26km/h


Reënval 0.5mm


Humiditeit 56%

Dinsdag


27°C / 16°C

Wind 35km/h


Reënval 0.0mm


Humiditeit 49%

Woensdag


33°C / 18°C

Wind 23km/h


Reënval 0.0mm


Humiditeit 37%

Donderdag


32°C / 19°C

Wind 24km/h


Reënval 0.0mm


Humiditeit 40%

Vrydag


25°C / 16°C

Wind 23km/h


Reënval 0.6mm


Humiditeit 57%

Nuus

Reuse-krokodil keer toeris op Australiese eiland vas

Deur sapa-afp Maandag 02 September 2013 11:58

SYDNEY. – ’n Toeris het ’n noue ontkoming gehad nadat hy twee weke lank op ’n afgeleë eiland aan die kus van Australië deur ’n 6 m lange krokodil vasgekeer was.

Die Nieu-Seelander, wat slegs as Ryan deur die plaaslike media geïdentifiseer is, is met ’n boot by Governor-eiland afgelaai, waarna hy van plan was om die 4 km na die vasteland op sy kano terug te roei.

Hy het aan Don Macleod, ’n plaaslike inwoner wat eindelik tot sy redding gekom het, gesê elke keer as hy van die eiland wou wegroei, het die krokodil hom bekruip.

Macleod het gesê hy weet van die reuse-krokodil wat ronddwaal op die eiland, wat geen varswaterbron het nie.

Volgens Macleod het hy die angstige man gehelp nadat hy Saterdagaand ’n lig op die eiland sien brand het en besluit het om ondersoek in te stel.

“Ek het oorgegaan en Ryan op die strand sien staan sonder sy hoed of hemp. Hy was verlig en baie dankbaar,” het Macleod gesê.

Volgens plaaslike mediaberigte is die Nieu-Seelander tans besig om op die vasteland aan te sterk ná sy beproewing.

Soutwaterkrokodille, wat tot 7 m lank kan word en meer as ’n ton weeg, is ’n algemene verskynsel in Australië se tropiese noorde.