Kaapstad Verander Area

Vandag


33°C / 18°C

Wind 20km/h


Reënval 0.0mm


Humiditeit 43%

Vrydag


27°C / 17°C

Wind 24km/h


Reënval 0.2mm


Humiditeit 59%

Saterdag


24°C / 17°C

Wind 28km/h


Reënval 5.4mm


Humiditeit 50%

Sondag


28°C / 17°C

Wind 34km/h


Reënval 0.0mm


Humiditeit 38%

Maandag


33°C / 18°C

Wind 31km/h


Reënval 0.0mm


Humiditeit 28%

Dinsdag


31°C / 19°C

Wind 21km/h


Reënval 0.0mm


Humiditeit 43%

Nuusflitse
Thomas Ferreira se lewe 'beëindig' - landdros Bylmoorde: Pa was bekommerd oor misdaadsituasie ​Johnny Depp herstel van ‘chupacabra-aanval’ ​Voltaire se boek ’n topverkoper ANC wil grondbesit beperk Polisie speel groot rol in ernstige misdaad - SAIRV Krokodil byt man van Pretoria aan been 4 mense sterf in bankdrama in Rusland De Zalze-bloedbad: 16-jarige is nog kritiek Beweerde metropolisie-roof: 2 verskyn in hof IS eis vrylating van terroris in ruil vir gyselaars Belastingbetalers dok op vir Ace Magashule se 72 gaste in Kuba 3 gesinslede dood in bloedbad by gholflandgoed Belfast-stadsraad: ‘Vermy vis op straat’ Vegvliegtuig stort neer: Dodetal styg tot 11 ANC gaan vir Selebi-begrafnis betaal 7 huiskomiteelede van Potch voorlopig geskors 3 mense op De Zalze vermoor Metropolisie beroof glo ma, 2 kinders Fliek oor FW de Klerk draai in die VSA Facebook-gebruikers ruk lank ‘in duister’ 10 dood toe vegvliegtuig teen ander vliegtuie bots Brandfort: Oë rek oor reuse-uitgawes Top-spioen in hof oor bedrog Padwoede-verhoor tot Augustus uitgestel Man sterf in ongeluk by nywerheidsonderneming SAL kanselleer vlugte na New York weens slegte weer Vrou op staproete in Llandudno beroof Nelspruit-ouma glo as seksslaaf aangehou 5 stories wat jy nie kan mis nie Valke trek 10 Nigeriërs vas Air Malaysia se webruimte binnegedring Mej. Heelal kom uit Colombia Oudsoldate van SA help in stryd teen Boko Haram Man in hof ná skietery by vulstasie in Kaapstad Kerk neem afskeid van jong dominee ná fratsongeluk
Nuus

Ma stop lap in sy mond

Pa klap baba in gesig, op kop

Deur Riata Nel Dinsdag 03 September 2013 00:12

’n Jong ma het gister in die Vanderbijlpark-streekhof erken dat sy ’n waslap in haar tien maande oue babaseun se mond gedruk het om hom stil te kry wanneer hy gehuil het.

Die baba is ook ongeveer drie keer deur sy jong pa in die gesig en op die kop geslaan.

Ashley Jordaan (20) en Trevor Viljoen (20) het gisteroggend skuld beken op aanklagte van die ernstige aanranding van hul seuntjie, Ethan, wat in 2012 dood is.

Die twee se prokureur, Francois de Kock, het gister namens hulle ’n verklaring in die hof voorgelees.

“Ons erken dat ons in ’n tydperk van 2011 af . . . Ethan Piet Viljoen (10 maande) wederregtelik en opsetlik aangerand het deur hom teen die kop en in die gesig te slaan en ’n waslap in sy mond te druk met die opset om hom ernstig te beseer, ook dat ons hom nie beskerm het wanneer ’n aanranding in die een of die ander se teenwoordigheid plaasgevind het nie,” het De Kock gelees.

Die paartjie het ’n ruk saamgebly, waarna Ethan op 27 Oktober 2011 gebore is.

Hy is op 2 Augustus 2012 dood weens ’n natuurlike oorsaak, ’n aangebore hartafwyking.

Hoewel sy dood toegeskryf is aan ’n aangebore hartafwyking, is daar tydens die lykskouing bevind dat hy beserings opgedoen het weens aanranding.

Luidens die verklaring het sy ouers gesê dat hy sieklik was en moeilik gewig aangesit het.

Weens sy siektetoestand was die kind baie knieserig en baie huilerig.

Albei het as gevolg van die omstandighede geïrriteerd geraak en per geleentheid het die een of die ander die kind aangerand.

Ashley het ’n waslap in die kind se mond gedruk om hom stil te maak.

Trevor het by ten minste drie geleenthede die kind op die kop of in die gesig geklap wanneer hy gehuil het.

Nie een het stappe gedoen om die kind te beskerm nie.

“Ons albei erken dat, ten tyde van die voorvalle, ons albei subjektiewelik die opset gevorm het om die kind ernstig aan te rand in ag genome die kind se ouderdom en sy weerloosheid.”

Die paartjie se eerste baba het ’n wiegiedood gesterf.

Die paartjie het gister kop onderstebo in die hof gesit en kort-kort na die fotograaf geloer.

“As jy my afneem, gaan jy k*k,” het Viljoen aan ’n fotograaf van ’n plaaslike koerant in die Vaaldriehoek gesê toe sy hulle afgeneem het.

Hy is daarna gewaarsku om die media nie te dreig nie.

Jordaan se ma, Lee-Ann, het gister gesê die hofsaak is baie sleg vir almal.

“Dit raak ’n duur storie,” het Viljoen se pa, Hans, gesê.

Albei is uit op R3 000-borgtog.

Die hofverrigtinge is uitgestel tot 15 Oktober vir ’n proefbeampteverslag. Die twee se borgtogvoorwaardes is verleng.

Die staat gaan getuies roep om verswarende omstandighede te bewys.