Kaapstad Verander Area

Vandag


26°C / 17°C

Wind 27km/h


Reënval 0.7mm


Humiditeit 59%

Dinsdag


26°C / 16°C

Wind 37km/h


Reënval 0.0mm


Humiditeit 51%

Woensdag


32°C / 18°C

Wind 27km/h


Reënval 0.0mm


Humiditeit 40%

Donderdag


33°C / 18°C

Wind 19km/h


Reënval 0.0mm


Humiditeit 43%

Vrydag


25°C / 19°C

Wind 23km/h


Reënval 0.8mm


Humiditeit 56%

Saterdag


25°C / 15°C

Wind 34km/h


Reënval 0.1mm


Humiditeit 47%

Nuusflitse
​Nigeriërs in hof ná dwelmklopjag ​Onsekerheid of lasbrief vir Zuma se seun uitgereik is ​Sir David Graaff oorlede ​Man verdrink by Coney Glen in Knysna ​Man met steekwonde vas aan boom gevind ​Japanse premier ‘sprakeloos’ ná onthoof-video ​Ruimtetuig op Mars gevind Vroue sterf toe muur op hulle val Dominee sterf ná fratsongeluk Tiener vas ná vroue op Tafelberg beroof is Filippyne-ontploffing eis 1, 37 gewond Soweto-plundery: Meer as 150 in hegtenis Anwa Dramat se skorsing onwettig verklaar Motorbrand-tragedie: 2 seuns sterf Britse vrou sterf in Thailand weens borsinfeksie Jackie Selebi sterf in Pretoria 5 stories wat jy nie mag mis nie ​Tyd raak min vir Japanse gyselaars Marthinus dalk gou ambassadeur in Griekeland Prins Andrew ontken in openbaar seksaantygings Koning van Saoedi-Arabië sterf Swak dienslewering knou Brandfort Dwelms: Jhb-man kry doodstraf op verjaarsdag Antraks-dreigement in Centurion Tronkbewaarders gesteek in moontlike ‘benderitueel’ Soweto-geweld: 68 in hegtenis Kaalbors en terug op bl. 3! Tony Ehrenreich van Cosatu wil sy geld uitdeel Mense speel ‘slagter’ toe voertuig met beeste omslaan 2 sterf toe man handgranaat in polisiestasie gooi Oudlanddros se kinders verwyder WhatsApp nou op rekenaar Man skiet glo Boston-dokter uit wraak Polisiekaptein vas oor hy glo wapens aan rowers leen Verkeersbeamptes dreig vrou oor R3,50 vir parkering Zuma praat oor kragkrisis Vrou sê man wou haar 'lelik' maak met suur
Nuus

Griekwastad: Uitspraak oor regskoste

Voog vra Steenkamp-boedel moet betaal

Deur charné kemp Vrydag 11 Oktober 2013 13:55

Die huis in Nauwhoek, Griekwastad, waar die Steenkamps vermoor is. Foto: Mary-Ann Palmer

KIMBERLEY. - Regter Johann Olivier gaan Vrydagmiddag uitspraak gee in die saak waarin die voog van die minderjarige beskuldigde in die Griekwastad-moordsaak dringend aansoek gedoen het dat die boedels van wyle Don Steenkamp en wyle Deon en Christel Steenkamp die toekomstige regskoste van die verhoor moet betaal.

Bettie Steenkamp is die enigste van die sewe respondente wat die aansoek teenstaan. 

Adv. Corrie Ploos van Amstel SC, vir die voog, het in sy betoog gesê wyle Don Steenkamp het nie net met  die ondertekening van die opdrag in sy persoonlike en hoedanigheid as eksekuteur (van Deon en Christel Steenkamp se boedels) onderneem om regskoste te betaal nie. Hy was emosioneel verbind aan die seun en het selfs na die ondertekening van die opdrag by verskeie geleenthede gesê hy sal sorg dat regskoste betaal word. 

Dit is dus ’n voortvloeiing van die opdrag. Hy wou die regspan behou en sou hul regskoste betaal het om te verseker dat 'n moontlike onskuldige seun nie skuldig bevind word nie. Die onderneming of mandaat moet dus aan sy boedel gebind word. Die opdrag is nie gekanselleer nie, daar is wel net gevra dat regskoste verminder moet word. 

Adv. Mejellie Wessels, SC, vir Steenkamp, het betoog dat die opdrag gekanselleer is en nie aan Steenkamp se boedel gebind kan word nie. Boonop was die voog die opdraggewer, maar hy het nie die betalings gedoen nie.  

Dit was aanvanklik nie duidelik wat die skuldoorsaak is wat die aansoek ondersteun nie. In die stukke is die onherroeplike opdrag as die skuldoorsaak aangevoer, maar in argument het dit meer op Steenkamp se mondelingse ondernemings om regskoste te betaal en e-posse en notules berus. 

Laasgenoemde dokumente is nie as eedsverklarings aangebied nie en die korrektheid word bevraagteken.  

Steenkamp was in ’n onmoontlike posisie om regskoste te betaal waarvan hy nie die uiteindelike bedrag geweet het nie.  

In die aansoek het die voog gevra dat Bettie Steenkamp gemagtig en beveel word om in haar hoedanigheid  as eksekuteur die redelike en billike regskoste en uitgawes van advokaatgeld, prokureursgeld en groot uitgawes vir deskundiges (forensies, ballisties asook sielkundig) vir die verhoor te betaal.

Die voog, wat nie die vermoë het om dit te betaal nie, meen dat die uitgawes tot dusver redelik en billik was.

In die alternatief word gevra dat Smith en Vermaak, in hul hoedanigheid as eksekuteurs van Deon en Christel Steenkamp se boedels, gelas en gemagtig word om dieselfde koste te betaal.