01 Augustus 01:28
10°C / 16°C

Kaapstad Verander Area

Vandag


16°C / 10°C

Wind 9km/h


Reënval 0mm


Humiditeit 54%

Sondag


18°C / 12°C

Wind 6km/h


Reënval 0mm


Humiditeit 55%

Maandag


17°C / 13°C

Wind 34km/h


Reënval 0mm


Humiditeit 71%

Dinsdag


15°C / 13°C

Wind 34km/h


Reënval 16mm


Humiditeit 84%

Woensdag


15°C / 11°C

Wind 9km/h


Reënval 0mm


Humiditeit 71%

Donderdag


19°C / 12°C

Wind 7km/h


Reënval 0mm


Humiditeit 52%

Nuus

Suid-Afrika sak terug op ranglys oor korrupsie

Deur James-Brent Styan Woensdag 04 Desember 2013 00:32

Kaapstad. – Suid-Afrika vaar al hoe slegter op ’n internasionale korrupsie-rang­lys.

Die korrupsiewaghond ­Corruption Watch (CW) het gister die jongste korrupsie-indeks bekendgestel wat Transparency International (TI) saamstel.

Suid-Afrika het die 77ste plek op die lys van 177 lande behaal.

David Lewis, uitvoerende direkteur van Corruption Watch, sê die indeks is basies ’n persepsie-indeks.

Hy sê Suid-Afrika was verlede jaar 69ste op die ranglys.

“Die indeks meet mense se indruk van korrupsie, waar 0 beteken lande is erg korrup en 100 beteken ’n land is sonder korrupsie.”

Lewis sê Suid-Afrika het vanjaar 43 gekry.

Die land se posisie op die ranglys is nie goed nie, maar die goeie nuus is dat Suid-Afrika se posisie die afgelope jaar of wat gestabiliseer het, sê Lewis.

Lewis sê so ’n afplatting en stabilisering kan toegeskryf word aan groter bewustheid van korrupsie onder burgerlikes.

Suid-Afrika vaar gelukkig beter as die meeste ander lande in Afrika, maar daar is tog ’n paar lande wat beter vaar.

Somalië en Suid-Soedan word beskou as die mees korrupte lande op die vasteland.

’n Gebrek aan deursigtigheid en goeie leierskap word voorgehou as groot faktore by korrupsie.

Van die lande in Afrika wat as die mins korrupte beskou word, is Botswana, wat 30ste op die wêreldranglys is.

Lewis sê om korrupsie beter te takel moet daar meer gevolge vir skuldiges in gesagsposisies en in die polisiediens wees.

“Mense moet meer uitpraat oor korrupsie en moet daarteen vermaan en stry,” sê hy.

“Daar is ligpunte, soos die teenkorrupsie-maatreëls wat die staatsdiens probeer instel.”

Lewis sê wat sulke goeie handelinge egter ongedaan maak, is wanneer mense in magsposisies hul posisies misbruik.