24 Mei 15:12
12°C / 22°C

Kaapstad Verander Area

Vandag


22°C / 12°C

Wind 17km/h


Reënval 0.0mm


Humiditeit 71%

Maandag


19°C / 15°C

Wind 23km/h


Reënval 0.0mm


Humiditeit 62%

Dinsdag


18°C / 13°C

Wind 24km/h


Reënval 3.8mm


Humiditeit 81%

Woensdag


21°C / 13°C

Wind 13km/h


Reënval 0.0mm


Humiditeit 66%

Donderdag


22°C / 14°C

Wind 16km/h


Reënval 0.0mm


Humiditeit 68%

Vrydag


18°C / 15°C

Wind 23km/h


Reënval 12.4mm


Humiditeit 76%

Nuus

Talle groot leiers só vereer

Staatsie ’n tradisie deur die wêreld

Deur Sarel van der Walt Maandag 09 Desember 2013 00:18

Wanneer oudpres. Nelson Mandela van Woensdag af by die Uniegebou in Pretoria in staatsie gaan lê, volg hy in ’n wêreldwye tradisie van staatsleiers wat ook op dié manier vereer is.

Onder die ander bekendes wat ook in staatsie gelê het, is sir Winston Churchill (Brittanje), Mohandas Gandhi (Indië), Kim Jong-il (Noord-Korea) en die Russiese leiers Wladimir Lenin, Josef Stalin en Leonid Brezjnjef.

Toe Churchill in 1965 oorlede is, het hy ná ’n dekreet van koningin Elizabeth II vir drie dae lank in die Westminster-parlement in Londen in staatsie gelê sodat die Britse publiek van die voormalige Britse premier afskeid kon neem.

Mandela sal ook drie dae lank in staatsie lê voordat sy oorskot Saterdag na die Oos-Kaap vervoer sal word vir die begrafnis Sondag.

Die oudpresident se familie het ’n verbod op die neem van foto’s geplaas.

Ná Churchill se begrafnisdiens in die St. Paulus-katedraal is die kis met sy oorskot op ’n trein na Bladon geneem waar hy in ’n kerkhof ter ruste gelê is.

Oral langs die roete het duisende mense in stilte hul laaste eerbewys betoon.

Die stoomlokomotief wat die trein gesleep het, is “Winston Churchill” gedoop en is nou ’n museumstuk.

Nadat Gandhi, wat as die “Vader van Indië” beskou word, in 1948 in ’n sluipmoordaanval doodgeskiet is, het meer as twee miljoen mense sy begrafnis bygewoon.

Toe prinses Diana van Brittanje in 1997 in ’n padongeluk in Parys dood is, het die begrafnisstoet voor sowat drie miljoen mense in Londen verbygegaan.

Haar begrafnis word beskou as die grootste nóg.

Mandela se begrafnis sal na verwagting die grootste sedert dié van pous Johannes Paulus II in 2005 wees.