Kaapstad Verander Area

Vandag


22°C / 17°C

Wind 42km/h


Reënval 1.9mm


Humiditeit 65%

Donderdag


23°C / 15°C

Wind 19km/h


Reënval 6.4mm


Humiditeit 70%

Vrydag


23°C / 16°C

Wind 27km/h


Reënval 0.0mm


Humiditeit 61%

Saterdag


27°C / 17°C

Wind 21km/h


Reënval 0.0mm


Humiditeit 51%

Sondag


25°C / 16°C

Wind 18km/h


Reënval 0.0mm


Humiditeit 61%

Maandag


23°C / 17°C

Wind 33km/h


Reënval 0.0mm


Humiditeit 61%

Nuusflitse
China: 26 sterf in brand by steenkoolmyn IS ‘mees brutale bedreiging nog’ – Angela Merkel Steve Hofmeyr: Konsert glo R5 miljoen kwyt Man urineer in vliegtuig se gang Grypdief laat spaander met handsak, R5 000 Opgekapte lyk in Kampsbaai gevind Gedwonge verhuising staar advokate in die gesig Man ontevrede oor vroue-universiteite Seun kan nie matriek voltooi weens aanranding Boksombende help vir Blikkies met heupvervangings 'Eenhoring' kry groot belangstelling Munisipale Eskom-skuld buite beheer Eerste Italianer met Ebola ‘is stabiel’ Vermeende kaper geskiet, gewond Bomaanvalle in Nigerië eis minstens 45 Woonstelgebou stort ineen - 10 dood Pta-man skiet homself EFF-tugverslag dalk oorweeg Polisieman vas wat bewysstukke in barrakke bêre Kiesers begin stem in die Himalayas Hof bevind man is dalk ná dekades in tronk onskuldig Ferguson: Geweldpleging ná jurie besluit om polisieman nie te vervolg Don Steenkamp word weg van ander jeugdiges aangehou Julius Malema en wag in onderonsie Drie soldate in Kiëf doodgeskiet Bejaarde man vas ná hy tik smokkel Vier vas wat veiligheidsbeamptes beroof Anti-Israel groepe wil meer SA winkels boikot Sterker rand gaan petrolprys laat daal Staat se saak berus op sameswering - Dewani-advokaat O, wee ...hier kom die reën alweer Grusame vrouemoord: Bankier kan verrigtinge volg Pta-meisie hang haarself Bom by vlugbaltoernooi eis 45 Ouers verloor twee seuns in minder as 'n maand Foutiewe kragopwekker lei glo tot baba se dood Limpopo: OG het in April gewaarsku oor skolekos
Nuus

Helshoogte eis 1; Busse bots by Richmond

Slagting op die paaie

Deur Michelle Pienaar Maandag 23 Desember 2013 10:30 nm.

Die N1 tussen Jan van Riebeekweg en Ceceliastraat in die Paarl was gesluit weens 'n ongeluk op die N1. Foto: Natalie Gabriels/Foto24

KAAPSTAD. – Nog vier mense het gister op die provinsie se paaie gesterf.

Dit bring die totale sterftes op Wes-Kaapse paaie sedert 1 Desember op 108 te staan. Landwyd het meer as 600 mense reeds hul lewe verloor.

In die eerste van twee ongelukke gister is drie mense sowat 10 km suid van Richmond in die Noord-Kaap dood in ’n botsing reg van voor tussen ’n Toyota Quantum-bussie en ’n passasiersbus van die Solomons-busdiens van Kaapstad.

In die tweede is ’n motorfiets­ryer dood en ’n voetganger ernstig beseer op die Helshoogtepad buite Stellenbosch.

Die ongeluk by Richmond het omstreeks 02:00 plaasgevind. Volgens lt. Geraldine Jacobs, ’n polisiewoordvoerder, was die passasiersbus van Kaapstad na Richmond onderweg, terwyl die kleiner bussie in die rigting van Drie Susters gery het.

’n Vrouepassasier in die bus sowel as twee mans in die Quantum-bussie het in die botsing gesterf. Een van die mans was van Zimbabwe en die ander ’n Suid-Afrikaner, het Jacobs gesê.

Die eienaar van die Solomons-busdiens, Leon Solomons, was gister na Richmond op pad en kon nie vir kommentaar bereik word nie.

Volgens Jacobs is 15 ander passasiers van die bus in die Manne Dipico-hospitaal in Colesberg en die Sentrale Karoo-hospitaal in De Aar opgeneem.

“Ons kan nog nie met sekerheid sê hoeveel mense behandel word nie. Daar was sowat 30 mense in die bus,” het Jacobs gesê.

Die polisie ondersoek ’n saak van strafbare manslag.

Samantha van den Berg berig die ongeluk op die Helshoogtepad het omstreeks 09:00 gebeur.

Volgens Natasha Gouws, ’n senior verkeersbeampte by die Stellenbosch-verkeersdepartement, het ’n 26-jarige motorfietsryer, met ’n passasier agter op sy motorfiets, na bewering ’n 46-jarige voetganger raakgery en geval.

Die motorfietsryer is ernstig beseer en is later die middag in die Mediclinic Stellenbosch oorlede. Die voetganger is nog in ’n ernstige toestand in die Stellenbosch-hospitaal, het Gouws gesê. Die passasier is nie ernstig beseer nie.

Volgens Gouws moet die omstandighede rondom die ongeluk nog ondersoek word. Die Stellenbosch-polisie ondersoek ’n saak van strafbare manslag.

Jacques Mostert, woordvoerder van die Wes-Kaapse provinsiale verkeersdepartement, het gesê die verkeer op die paaie in die provinsie is baie rustig.

“Mense gedra hulle goed en ons sê baie dankie daarvoor,” het Mostert gesê.

Hy het gevra dat bestuurders moet onthou om selfs in die dag met hul hoofligte aan te ry.

- Van 1 tot 22 Desember het 100 mense op Wes-Kaapse paaie gesterf, vergeleke met 153 in die ooreenstemmende tydperk verlede jaar.