Kaapstad Verander Area

Vandag


22°C / 15°C

Wind 19km/h


Reënval 7.8mm


Humiditeit 70%

Vrydag


23°C / 16°C

Wind 27km/h


Reënval 0.0mm


Humiditeit 64%

Saterdag


26°C / 16°C

Wind 22km/h


Reënval 0.0mm


Humiditeit 53%

Sondag


26°C / 16°C

Wind 18km/h


Reënval 0.0mm


Humiditeit 64%

Maandag


24°C / 16°C

Wind 33km/h


Reënval 0.0mm


Humiditeit 61%

Dinsdag


24°C / 16°C

Wind 39km/h


Reënval 0.0mm


Humiditeit 53%

Nuusflitse
Mandela se dood in Desember herdenk Lewe glo te moeilik: 98-jarige skiet homself en vrou Skoon oudit vir Gautrein Nog swaar reën vir Gauteng voorspel Burgermeestersdrama in Mokopane: SAPD ontplooi Kapenaar moor glo gewese vrou in Nieu-Seeland Wladimir Poetin se bankier deur interpol gesoek Dominee spontaan toegejuig toe kerk se ligte aangaan Grapjas se optrede het Steve Hofmeyr diep seergemaak Jacob Zuma se mond gesnoer toe hy oor ANC wou praat China: 26 sterf in brand by steenkoolmyn IS ‘mees brutale bedreiging nog’ – Angela Merkel Steve Hofmeyr: Konsert glo R5 miljoen kwyt Man urineer in vliegtuig se gang Grypdief laat spaander met handsak, R5 000 Opgekapte lyk in Kampsbaai gevind Gedwonge verhuising staar advokate in die gesig Man ontevrede oor vroue-universiteite Seun kan nie matriek voltooi weens aanranding Boksombende help vir Blikkies met heupvervangings 'Eenhoring' kry groot belangstelling Munisipale Eskom-skuld buite beheer Eerste Italianer met Ebola ‘is stabiel’ Vermeende kaper geskiet, gewond Bomaanvalle in Nigerië eis minstens 45 Woonstelgebou stort ineen - 10 dood Pta-man skiet homself EFF-tugverslag dalk oorweeg Polisieman vas wat bewysstukke in barrakke bêre Kiesers begin stem in die Himalayas Hof bevind man is dalk ná dekades in tronk onskuldig Ferguson: Geweldpleging ná jurie besluit om polisieman nie te vervolg Don Steenkamp word weg van ander jeugdiges aangehou Julius Malema en wag in onderonsie
Nuus

toeriste loop deur in krugerwildtuin

Olifant was op hitte, beseer

Sosiale netwerke gons van negatiewe kritiek

Deur Blanché de Vries Donderdag 02 Januarie 2014 7:07 vm.

KAAPSTAD. – “Dit is hartseer dat ’n olifantbul van kant gemaak moes word omdat hy op hitte was toe hy die toeriste aangeval het”

Dít was prof. Rudi van Aarde, olifantkenner en voorsitter van die Universiteit van Pretoria se bewaringsekologie-navorsingseenheid, se kommentaar op die voorval waarin ’n olifantbul Maandag van kant gemaak is ­nadat hy twee toeriste aangeval het.

Die bul het Jans de Klerk, ’n Suid-Afrikaner wat in Brittanje woon, en Sarah Brooks van Brittanje in hul blou Volkswagen in die Krugerwildtuin aangeval. Brooks is ernstig beseer toe een van die olifant se tande die agterkant van haar heup oopgeruk het. Sy is na die Mediclinic Nelspruit geneem en was gister in ’n stabiele toestand.

Die aanval het by ’n watergat naby Pretoriuskop in die suide van die wildtuin plaasgevind.

“Die paartjie het glo die olifant gevolg om hom te verfilm toe hy skielik op hulle afstorm en hul motor ongeveer 400 m ver in die bos stoot,” het William Mabasa, woordvoerder van die Krugerwildtuin, gesê.

Die voertuig is erg beskadig.

Mabasa het gesê daar is besluit om die bul van kant te maak omdat hy moontlik ’n gevaar vir ander toeriste kon wees.

“Die aggressie wat die olifant gewys het, was nie normaal nie. Nadat hy van kant gemaak is, het ons ontdek hy is ook beseer, dalk omdat hy met ’n ander olifant baklei het terwyl hy op hitte was.”

Die paartjie het dalk nie besef die bul was op hitte nie. Hulle kon dan die tekens van aggressie beskou as iets wat hulle kon verfilm eerder as iets gevaarliks, het prof. Rob Slotow, direkteur van die Amarula-olifantnavorsingsprogram by die Universiteit van KwaZulu-Natal, gesê.

Slotow meen die wildtuin het die regte besluit geneem omdat ander mense aangeval kon word en dit noodlottig kon wees.

Hy het verduidelik wanneer ’n olifant op hitte is, is sy testosteroonvlakke hoër.

“Hy sal sy ore klap en dalk eers, as ’n waarskuwing, maak of hy gaan storm. Hulle het hom dalk agtervolg om die gedrag te verfilm en dit nie as ’n waarskuwings gesien nie.”

Van Aarde het gesê toeriste moet eerder ver weg bly terwyl ’n olifantbul op hitte is. “Hulle was dalk te naby aan die bul,” het hy bygevoeg.

Die besluit om die bul van kant te maak het heelwat negatiewe reaksie ontlok op sosiale netwerke soos Twitter en Facebook.

“Mense kritiseer, maar was nie self daar nie en weet nie van die omstandighede rondom die voorval nie,” het Mabasa gesê.

Brooks is genader vir kommentaar, maar het gesê sy wil nie daaroor praat nie.