Kaapstad Verander Area

Vandag


27°C / 16°C

Wind 25km/h


Reënval 0.0mm


Humiditeit 51%

Sondag


22°C / 16°C

Wind 26km/h


Reënval 0.4mm


Humiditeit 79%

Maandag


25°C / 16°C

Wind 31km/h


Reënval 0.0mm


Humiditeit 58%

Dinsdag


29°C / 17°C

Wind 22km/h


Reënval 0.0mm


Humiditeit 47%

Woensdag


22°C / 17°C

Wind 38km/h


Reënval 5.1mm


Humiditeit 81%

Donderdag


23°C / 16°C

Wind 21km/h


Reënval 3.5mm


Humiditeit 69%

Nuus

Tweede nuwe jaar

Klopse ‘doen dit vir die kinders’

Deur Marelize Barnard Sondag 05 Januarie 2014 10:39 nm.

KAAPSTAD. – “Jy kry dit nie in Johannesburg nie. Jy kry dit nie in Durban nie – dit is in die Kaap waar ons aan die gang is.”

Die Kaapse klopse het Saterdag Tweede Nuwejaar in die middestad van Kaapstad gehou en soos Faried Adams (68) van Mitchells Plain verduidelik het, dié tradisie is eie aan die Kaap.

Adams is nou al 62 jaar ’n klops en hy is aan die stuur van die Woodlands-klopse.

“Mense is al van gister af hier langs die straat. Ons doen dit vir die mense van die Kaap,” het Adams Saterdag gesê terwyl hy na die volgedrukte sypaadjie langs Keizersgracht gewys het waar toeskouers hul kampeerstoele onder gazebo’s ingeryg het.

Grant Pascoe, burgemeesterskomiteelid vir toerisme, spesiale gebeure en bemarking, het gesê daar word geraam dat tussen 100 000 en 150 000 mense na die middestad gestroom het om die klopse te sien.

Altesaam 70 troepe met 40 000 deelnemers het vanjaar deelgeneem.

Samsoenisa Essop (40) van die Nokia All Stars-klopse het die klein en baie blink Mujaahid, haar 20 maande oue baba, in sy stootwaentjie vooruitgestoot.

“Dit is tradisie. Ek het Mujaahid al verlede jaar ook saamgebring. Ons hou die Tweede Nuwejaar spesiaal vir die toeriste in Kaapstad,” het Essop gesê.

Die een groep na die ander het soos ’n see van blink diskoballe voor die Parade, met Waalstraat af en tot in die Bo-Kaap musiek gemaak, gedans, gestap en sommer net geskitter.

Die kleiner kinders wat vooraan die groepe gestap het, het by tye op die plek getrippel terwyl daar nie vinnig genoeg vir hul energievlakke gestap is nie.

Ayesha Jacobs (24) van die Bonteheuwel Superstars het haar seuntjie, Abdullah (1), al die pad op die heup gedra terwyl sy deur die strate gemarsjeer het.

Die Bonteheuwel Superstars se groep het al 500 deelnemers, en soos Cassiem Hendricks (35) verduidelik het, gaan dit daaroor om kinders bymekaar te bring.

Die deelnemers aan Tweede Nuwejaar is ook nie net van Kaapstad nie. Die lede van die Starlight Jeugontwikkeling-klopse is van so ver as die Paarl, Wellington, Worcester en Swellendam.

Soos Tasleem Sakildien (29) van die Starlight-groep verduidelik het: “Ons doen dit vir die kinders.”

Maar die twis duur voort.

Die klopse het gekom en gegaan, maar steeds twis die Kaapse stadsraad en die Cape Town Minstrel-vereniging (CTMCA).

· In die jongste ronde het Pascoe gister in ’n verklaring gesê Marius Fransman, ANC-leier in die Wes-Kaap, en Paul Mashatile, minister van kuns en kultuur, het Saterdag goedkoop politieke punte probeer aanteken deur by die klopse se karnaval aan te voer die ANC het vanjaar se karnaval gered.

· Hierop het die ANC en die CTMCA in ’n gesamentlike verklaring gesê die klopse is nie die “stadsraad se gaste” by hul eie feesviering nie.

Pascoe is daarvan beskuldig dat hy behep is met teorieë oor sameswerings en “ongesonde verdagmakery”.