Kaapstad Verander Area

Vandag


25°C / 15°C

Wind 35km/h


Reënval 0.0mm


Humiditeit 53%

Sondag


28°C / 17°C

Wind 24km/h


Reënval 0.0mm


Humiditeit 46%

Maandag


26°C / 17°C

Wind 28km/h


Reënval 0.0mm


Humiditeit 65%

Dinsdag


26°C / 17°C

Wind 32km/h


Reënval 0.1mm


Humiditeit 63%

Woensdag


23°C / 15°C

Wind 17km/h


Reënval 0.4mm


Humiditeit 72%

Donderdag


21°C / 14°C

Wind 26km/h


Reënval 0.0mm


Humiditeit 60%

Nuusflitse
Twee vas ná Kagiso-rooftog Busongeluk in Nepal eis 14 Wapendepot van IS in Irak vernietig Polisie in New York met 'n byl aangeval Dokter vas nadat vrou op operasietafel sterf Ebola laat gesondheidswerker na Ivoorkus vlug Gasontploffing in Pole eis drie gesinslede Ebola: Japan se Clever-maatskappy skenk ‘slim’ gesigsmaskers Indië beskerm vlermuise teen vuurwerk Plaasaanval: Seun hardloop 3 km om hulp te soek Derek Swemmer verlaat Kovsies Kernkrag: SA en Rusland ontmoet in Drakensberge ‘Fotobom bom Collins-woordeboek’ Japanse staatslui gebruik departementsgeld in seksklub Rowers blaas kitsbank op, vlug met geld Vry word op Zimbabwe-kampus verbied KZN: Vrou sterf in tref-en-trap-ongeluk Oscar: Belastingbetalers gaan opdok OB benodig R64 miljoen Gat in staat se sak kan tot hoër belasting lei Senzo Mchunu se vrou moet uit pos bedank - IVP Snik, gemmerkoekies word geslagloos Indonesië onderskep Australiese vliegtuig Duitsland stuur tieners terug wat glo by IS wou aan sluit KZN-mans lank tronk toe vir verkragting Kerkramp: Suid-Afrikaners se lyke steeds nie terug nie Heyns-moordsaak: Broer gaan dalk teen broer getuig SOE: Wil nie Nkandla-eis instel teen Jacob Zuma Oscar Pistorius: Eerste dag in die tronk Bloemfonteiners is ongesond, Kapenaars gesond Joodse mans ontevrede oor vroue-advertensies 5 jaar vir Pistorius Wraak-porno: Facebook moet IP-adresse verskaf Neusselle laat verlamde man wéér loop Oscar se beproewing sal nóóit verby wees nie - Aimée Bejaarde egpaar al vier keer beroof Oscar de la Renta sterf Weduwee onthul hoe PW nee sê vir staatshulp
Nuus

Eerste ontvanger van medalje sterf

Deur Erika Gibson Donderdag 09 Januarie 2014 1:18 vm.

Oud-lt.kol. Andries (Aap) Moller kort nadat hy die Honoris Crux-medalje vir dapperheid in 1973 ontvang het.

Die eerste ontvanger van die Honoris Crux-medalje vir dapperheid is vandeesweek oorlede.

Oud-lt.kol. Andries (Aap) Moller is eergister nog geopereer weens onder meer ’n obstruksie in sy ingewande, maar is laat die aand in 2 Militêre Hospitaal in Kaapstad dood.

Moller (66) was ’n lugmagvlieënier en is in 1973 met die eerste dapperheidsmedalje vereer vir ’n heldedaad in die bosoorlog.

Die voorval waartydens hy verskeie gewonde polisiemanne onder vuur uitgevlieg het, was luidens At van Wyk se boek Honoris Crux, ons dapperes, aan die grens tussen die Caprivi en Zambië naby Katima Mulilo.

’n Groep polisiemanne was in ’n skermutseling met insypelaars en verskeie is gewond. Die polisiemanne het later handgranate na die aanvallers gegooi om hulself te verdedig.

Moller en Flip de Bruin, sy medevlieënier, is ontbied om te gaan help en op pad soontoe is die Puma-helikopter raak geskiet. Moller het nietemin te midde van die skietery op die helikopter gaan land om die gewondes op te laai.

Op 16 Oktober 1973 het die destydse president, Jim Fouché, sy medalje by die Verdedigingshoofkwartier in Pretoria aan hom oorhandig.

Volgens oud-brig.genl. John Church, ’n voormalige kollega en steeds helikoptervlieënier, was Moller beskeie oor die toekenning. Min mense het ooit daarvan geweet totdat die boek verskyn het.

“Hy het diep spore as helikoptervlieënier getrap en het later ook BBP-stralers gevlieg.”

Moller het sy bynaam deels gekry weens sy voorletters, A.P., maar volgens Church ook omdat hy lang arms gehad het.

“Ons het hom altyd gespot dat hy die sandfilters voor op die helikopter kon draai terwyl hy in die helikopter bly sit het!”

Volgens Gert du Toit, nog een van sy helikoptervlieëniersvriende in Kaapstad, was Moller steeds by die Ysterplaat-lugmagbasis betrokke, al het hy in die vroeë 1990’s afgetree.

Hy het vroeër maagkanker gehad, maar dit was in remissie totdat hy verlede jaar weer siek geword het. Hy is kort ná Nuwejaarsdag in die hospitaal opgeneem.

Hy laat sy vrou, Engela, twee dogters en ’n seun agter.