Kaapstad Verander Area

Vandag


25°C / 14°C

Wind 19km/h


Reënval 0.0mm


Humiditeit 60%

Dinsdag


25°C / 15°C

Wind 21km/h


Reënval 0.2mm


Humiditeit 65%

Woensdag


24°C / 16°C

Wind 18km/h


Reënval 0.0mm


Humiditeit 59%

Donderdag


24°C / 17°C

Wind 23km/h


Reënval 0.0mm


Humiditeit 65%

Vrydag


23°C / 16°C

Wind 35km/h


Reënval 0.8mm


Humiditeit 54%

Saterdag


26°C / 18°C

Wind 34km/h


Reënval 0.0mm


Humiditeit 50%

Nuus

ANC het 'goeie storie' om te vertel

Deur maryna lamprecht Vrydag 10 Januarie 2014 1:17 nm.

Nelspruit. - ANC-lede het 'n "goeie storie" om te vertel ná 20 jaar se demokrasie.

Só het Naledi Pandor, minister van binnelandse sake en senior lid van die ANC se nasionale uitvoerende komitee, Vrydag buite Nelspruit gesê.

Sy het met studente by 'n verpleegskool in Kabokweni gepraat en hulle aangemoedig om stemme vir die ANC te werf en seker te maak hulle gaan stem self in die 2014-verkiesing.

"Moenie toelaat dat enigiemand jou skaam maak oor jou organisasie nie. Ons moet trots wees op ons organisasie en op dit wat ons bereik het. 

"Die grootste truuk teen 'n beweging soos ons s'n is om ons depressief te maak, om ons teen onsself te laat draai en ons van ons vertroue in ons eie vermoëns te beroof."

Sy het die ANC se prestasies van die afgelope 20 jaar gelys en gesê die ANC-regering het 12 miljoen huise gebou, 8 miljoen werkgeleenthede geskep en gee daagliks vir 12 miljoen skoolkinders kos.

"Moenie enigiemand toelaat om jou te laat glo julle het nie gewerk nie - ons het. Moenie enigiemand toelaat om jou te laat glo ons het nie 'n (goeie) rekord nie. Vergewis jouself van ons rekord en verkondig dit aan die publiek."

Die ANC het hard baklei vir die reg om te stem en mense moet dié reg nie as vanselfsprekend aanvaar nie, het sy gesê.

Die ANC soek 'n oordonderende oorwinning en daarom moet almal registreer en gaan stem.